پرەمەر-مينيستر ولجاس بەكتەنوۆتىڭ تاپسىرماسى بويىنشا اقمولا جانە باتىس قازاقستان وبلىستارىندا ۇكىمەتتىك جۇمىس توپتارى ەنەرگەتيكا جانە تكش نىساندارىن تەكسەرۋدە.
پرەمەر-ءمينيستردىڭ كەڭەسشىسى نۇرلان ۇرانحاەۆ اقمولا وبلىسىنىڭ ستەپنوگورسك قالاسىندا جەو جۇمىسىمەن، سونداي-اق توزۋى 71%-دان اساتىن جىلۋ جەلىلەرىن جوندەۋ جانە رەكونسترۋكتسيالاۋ بارىسىمەن تانىستى. جوسپارلانعان جۇمىستار جۇرگىزىلگەننەن كەيىن توزۋ دەڭگەيى 68%-عا دەيىن تومەندەيدى دەپ كۇتىلۋدە.
ال پرەمەر-ءمينيستردىڭ كەڭەسشىسى ەرالى توعجانوۆ باتىس قازاقستان وبلىسىندا «جايىقجىلۋەنەرگو» اق-نىڭ الداعى ماۋسىمعا دايىندىعىن تەكسەردى. سونداي-اق ورال قالاسىنداعى سورعى ستانساسى مەن سۋ قويماسىنىڭ قۇرىلىسى جانە وڭىردەگى ەلەكتر جەلىلەرىنىڭ رەكونسترۋكتسياسى قالاي ءجۇرىپ جاتقانى تەكسەرىلدى. بۇگىنگى تاڭدا وبلىستا 1410 الەۋمەتتىك نىسان جانە 2041 كوپپاتەرلى تۇرعىن ءۇي جىلىتۋ ماۋسىمىنا دايىن.
الداعى جىلىتۋ ماۋسىمىنا دايىندىق ۇكىمەتتىڭ ەرەكشە باقىلاۋىندا تۇر.