Aimaq basşysy öŋırdıŋ äleumettık-ekonomikalyq damu barysyna toqtalyp, Ūlttyq qūryltaidyŋ kezektı otyrysyn 2026 jyly Syr öŋırınde ötkızudıŋ maŋyzdylyǧyn atap öttı.
«Jaqynda ǧana Burabaida ötken Ūlttyq qūryltaida Memleket basşymyz Qasym-Jomart Kemelūly qūryltaidyŋ kelesı 5-şı otyrysyn Syr boiynda, kezınde Qazaq elınıŋ astanasy bolǧan Qyzylorda qalasynda ötkızudı ūsyndy. Alqaly jiynda qabyldanǧan tarihi şeşım aimaq jūrtşylyǧynyŋ mereiın asqaqtatty. Prezidentımız halqymyzdyŋ «qazaq» degen baiyrǧy atauy qaitarylǧan, tarihi ädıldık ornaǧan Qyzylordadaǧy maŋyzdy oqiǧalar el jadynda saqtaluǧa tiıs ekenın atap öttı. Būl – bız üşın zor märtebe, Prezidentımızdıŋ öŋırımızde atqarylyp jatqan jūmystarǧa bergen oŋ baǧasy dep bılemız», - dedı N.Nälıbaev.
Memleket basşysynyŋ, Ükımettıŋ erekşe qoldauymen Syr öŋırı baiypty bastamalardyŋ, jasampaz jobalardyŋ ordasyna ainaldy. Öŋır barlyq negızgı makroekonomikalyq körsetkışter boiynşa respublikada aldyŋǧy qatarda. Oblys biudjetı 750 mlrd teŋgeden asty. Osydan üş jyl būryn 364 mlrd teŋge bolatyn. Bırlesken jūmystyŋ nätijesınde ösım 206 paiyzdy qūrady. Būl auqymdy qarajat eŋ özektı degen mäselelerdı şeşuge, tūrǧyndardyŋ ömır süru sapasyn jaqsartuǧa jäne auqymdy infraqūrylymdyq jobalardy ıske asyruǧa baǧyttaldy. Memleket basşysynyŋ tıkelei qoldauymen Qyzylorda qalasynda 215 mlrd. teŋgege quattylyǧy 240 megavattyq jaŋa jylu-elektr ortalyǧy salynuda. Bügınde investor «Aksa Enerdji» türık kompaniiasy qūrylysqa 137 mlrd. teŋgeden astam investisiia qūiyp, jūmystyŋ 70 paiyzdan astamyn aiaqtady. Qyrküiek aiynda aimaq üşın erekşe maŋyzy bar nysan el igılıgıne berıledı. Prezident tapsyrmasyna säikes, oŋtüstık öŋırlerde elektr energiiasynyŋ tapşylyǧyn boldyrmau maqsatynda Katarda ötken ükımetaralyq kelısım şeŋberınde quattylyǧy 1100 MVt, qūny 892 mlrd teŋge bolatyn bu-gaz qondyrǧysyn salu kelısıldı. Megajoba 2028 jyly tolyǧymen ıske qosylady dep josparlanuda.
Jiynda QR Prezidentınıŋ keŋesşısı Mälık Nūrjanūly söz söiledı. Qazaqstannyŋ Eŋbek Erı Abzal Eraliev, Qazaqstannyŋ eŋbek sıŋırgen qairatkerı, Ūlttyq ǧylym akademiiasynyŋ akademigı, Ūlttyq qūryltai müşesı Qylyşbai Bisenov, Qorqyt ata atyndaǧy Qyzylorda universitetınıŋ rektory Beibıtkül Kärımova, köpbeiındı qalalyq auruhananyŋ bas därıgerı Nuridin Amitov, “Anaǧa taǧzym” ortalyǧynyŋ direktory Altynai Moljanova pıkır bıldırdı.