Äsırese, jazǧy demalysta taŋǧy şäi üstınde aǧaiyn – tuys pen dos-jarandardyŋ igı amaldary men jaqsy qasietterın jiı eske alyp otyratyn. Keide oilaimyn, marqūmdar jaqsy adamdar turaly bılıp jürsın, keiın ömırlık qūndylyq retınde dūrys amaldaryn boiǧa sıŋırsın degen ızgı nietke amal etken eken. Bız balalyqpen qatty män bermeppız. Bıraq, dastarhan basynda ülken adamdarşa qūlaq asyp, tyŋdaitynbyz. Mıne, bızdıŋ äuletımız üşın – jaqsy adamdardyŋ bırı jäne bıregeiı – İmanǧalievter otbasy bolatyn. Säbit kökem men Zübäira apamyzdy körgende, sol kezdegı balalyq sätter oiǧa orala beretın.
Keiın, 2008 jyl bolu kerek. Qyzylorda qalasyndaǧy şaŋyraǧymyzda boldy. Äkeidıŋ abzal ruhyna qūran baǧyştaiyn dep kelgen eken. Anam marqūm da riza bolyp, köŋılı bır marqaiyp qaldy. Bır jaǧynan, ortaq joba bastadyq. «Qyzylorda köşelerı» – degen ataumen ensiklopediialyq jinaqty jaryqqa şyǧaruǧa ülesımızdı qostyq. Aitaiyn degenım, keide adamnyŋ jan düniesı men köŋılı qalap tūratyn ıs ne adam bolady. Ondai ortamen bauyrlarşa aralasasyŋ. Eşqandai müdde men pendelık esep jürmeidı. İmanǧalievter äuletınen de osy bır adami tazalyqty baiqadym. Kökem men apamnyŋ jyly qarym-qatynasy men boidaǧy ziialylyqtaryna süisınetınbız. Būl qanmen, tekpen keletın tärbie ǧoi, äsılı. Keiın, Bauyrjan aǧamyz, Sätjan bauyr, Gülnaz apamyzben tanysyp, aralas-qūralastyǧymyz ärı qarai bekıp, keŋeie tüstı.
Äulettıŋ yrysy artyp, berekesı baiandy bolu üşın közge körınbeitın şarttar oryndalu kerek degen tämsıl bar. Säbit kökem men Zübäira apamyz sol şarttarǧa adal, amanatqa berık boldy dep nyq senımmen aita alamyn. Mıne, sonyŋ nätijesınde Jaratqan qoldap, otbasynyŋ bereke-bırlıgın baiandy ettı. El aldyndaǧy abyroiyn asqaqtatty. Otbasy men äulet institutyn bügıngı ömır qūndylyǧymen qatar jaŋǧyrtyp otyr deuge tolyq negız bar.
«Mereilı otbasy» atty ūlttyq dästür men otbasy qūndylyqtaryn nasihattaityn jobanyŋ jeŋımpazy atanyp, eldıŋ aldy bola bıldı. Eŋ taŋdaulylar saiysqa tüsken jobanyŋ Bas jüldesın alu degen eŋ bır qiyn da, kürdelı şarua edı. Alaida, qazylar alqasy men erıktıler taŋdauy - İmanǧalievter äuletıne tüstı.
Hadiste «Amaldar – nietke bailanysty» degen bar. Bız qazırgıdei materialdyq dünie alǧa şyqqan uaqytta, ömırge basqaşa qūndylyqpen qarap jürmız. Alaida, ruhani jaǧyna män bergende, rasynda, köp närsenıŋ nietke bailanysty ekenıne köz jetkızesıŋ. Alla Taǧala da jürekke, nietke qaraidy. Säbit köke men Zübäira apamyzdyŋ adal nietı men keŋ jürektılıgıne syrttai süisınemız. Ärqaşan elge bolsyn. Qoldan kelgenşe, elge bır jaqsylyq jasaiyq dep otyrady.
Bıle bılgenge, ruhani eŋbek pen qoǧamdyq jūmystardyŋ özı ülken eŋbek. Säbit kökemız «Qazaq tılı» qoǧamynyŋ basşylyǧynda bolǧanda, Almatynyŋ ziialy qauymdary jinalatyn bas qosulardyŋ bel ortasynda jürdı. Jürgenovtıŋ ruhani jäne şyǧarmaşylyq tuyndylaryn elge jetkızu jolynda da tapjylmai eŋbek etıp keledı. Bauyrjan aǧamyz Alaş arysy – Temırbek Jürgenovtıŋ bolmysy men şyǧarmaşylyq tūǧyryn ǧylymi ainalymǧa engızu jolynda tapjylmai eŋbek etse, Säbit kökemız – qoǧamdyq – saiasi közqarasy turaly jüielı jūmystar atqaruda.
Bügıngı qarym-qatynastyŋ negızı – mınez ekenı bärımızge belgılı. Otbasy üşın de mınez eŋ basty faktorlardyŋ bırı. Qazaqtyŋ körnektı jazuşysy, dramaturg, publisist, qazaq ädebietın qalyptastyruşylardyŋ bırı - Jüsıpbek Aimauytov adam tärbiesı men psihologiiasy, ūlttyq mınez turaly jaqsy aitady. Mınezdı - aqyl-qairattyŋ jiyntyǧy, tärbie nätijesı jäne ūlttyq bolmystyŋ körınısı dep baǧa bergen. Säbit kökemız ben Zübäira apamyzda tärbie men tektı sabaqtastyryp, ūlttyq bolmys deŋgeiıne kötere bıldı. Eŋ bastysy, otbasylyq ömırde - täjıribede keŋ qoldandy. Mıne, osyndai taǧylymdy şeşımderdıŋ nätijesınde, äulettıŋ abyroiy artyp, baqyty baiandy bolyp otyr deuge tolyq negız bar.
Adamnyŋ ystyq-yqylasy men nietı – onyŋ taǧdyry degenge bek senemız. Kısınıŋ bolmysy men adami qūndylyǧyna erekşe qūrmetpen qaraǧan adam, tübınde ortaǧa syily, qoǧamda bedeldı bolady. Qai jerde de, tör sonıkı bolmaq. İmanǧalievter äuletınen de sondai bır säulelı taŋba baiqalady. Būl keiıngı jaŋa buynǧa berıletın estafeta ıspettı dünie. Olai deitınım, bügıngı jastar ömırden körıp, köŋılge tüigenın keiıngı ūrpaqqa jetkızuşı «tasymaldauşy» rölın atqarady. Säbit kökemız ben Zübäira apamyz qūrǧan şaŋyraq – elge ülgı bolyp, ūlttyŋ ūstyny men ruhani bolmysyna sai jaŋǧyryp otyrǧan qūtty äulet ekenı barşamyzǧa belgılı.
Ardaqty, Säbit köke jäne Zübäira apa! İmanǧalievter äuletı! Bar jaqsylyq baiandy bolsyn! Şaŋyraqtyŋ qūt-berekesı arta bersın. Izgı niettı, eŋbekqor, bırlıgı jarasqan – qadırlı äulettıŋ aldaǧy alar asuy būdan da biık bolsyn!
Qūrmanälı Qalmahan. Jurnalister Odaǧynyŋ müşesı. Aqparat salasynyŋ üzdıgı. Mädeniet qairatkerı