Kezdesu barysynda mūnai salasyna salyq salu mäselesı pysyqtaldy. Būl oraida Qarjy ministrı Mädi Takiev, Ūlttyq ekonomika vise-ministrı Azamat Ämrin jäne QR QM MKK töraǧasynyŋ orynbasary Janybek Nūrjanov Parlament Mäjılısınıŋ qarauynda jatqan Salyq kodeksındegı jaŋaşyldyqtar turaly aitty.
«Mūnai salasy biudjet tüsımderınıŋ edäuır ülesın qamtamasyz etıp otyrǧan ūlttyq ekonomikanyŋ negızgı draiverlerınıŋ bırı bolyp sanalady, solai bolyp qala beretınıne kümän joq. Bızdıŋ maqsatymyz – barlyq taraptyŋ: memlekettıŋ, biznestıŋ jäne tūtastai qoǧamnyŋ müddelerın eskeretın salyq salu jüiesın qūru. Aldymyzda salanyŋ ornyqty damuyna yqpal etetın, investisiialardy yntalandyryp, innovasiialyq tehnologiialardy engızetın tiımdı jäne ädıl salyq jüiesın qūru boiynşa mındetter tūr», - dedı Mädi Takiev.
Vedomstvo basşysy jaŋa Salyq kodeksınıŋ jobasynda salyqtar men biudjetke tölenetın basqa da mındettı tölemder sany azaiatynyn atap öttı. Maŋyzdy fiskaldy qaitarymsyz tölemderdı alyp tastau jäne olardyŋ keibırın bırıktıru josparlanǧan. Jüielık şaralar retınde salyqtyq jeŋıldıkter ūǧymyn naqty retteu ūsynylyp otyr.
Ūlttyq ekonomika vise-ministrı Azamat Ämrin jaŋa öndırısterge investisiialardy yntalandyrumen qatar Salyq kodeksınıŋ jobasy eskı sarqylyp jatqan ken oryndaryndaǧy öndırıstı qoldauǧa baǧyttalǧanyn aitty.
«Mūnai-gaz jäne tau-ken salalary biudjet kırısterınıŋ köp bölıgın qamtamasyz etetının eskere otyryp, jaŋa şaralar biudjetke tüsetın tüsımderdı, sondai-aq jūmys oryndaryn tūraqty ūstauǧa mümkındık beredı. Būl jūmys ıstep tūrǧan nemese jaŋa ken oryndaryn barlau äleuetı bar öŋırlerdı damytu üşın maŋyzdy», - dedı vise-ministr.
Memlekettık kırıster komitetı töraǧasynyŋ orynbasary Janybek Nūrjanovtyŋ aituynşa, jaŋa Salyq kodeksınde josparly tekserulerdı jürgızu tärtıbı özgertıldı. Mūndai ıs-şaralardy taǧaiyndau salyq töleuşınıŋ qyzmetın taldau qorytyndylary boiynşa jürgızıletın bolady. Sonymen qatar tekseruler elektrondy formatqa auystyrylady.
«Memleket basşysynyŋ Qazaqstan halqyna Joldauynda salyqtyq äkımşılendırudı sifrlandyrudyŋ strategiialyq maŋyzdylyǧy turaly aitylǧany belgılı. Sondyqtan sybailas jemqorlyq täuekelderın azaitu jäne aşyqtyqty qamtamasyz etu üşın Qarjy ministrlıgı salyq salasyndaǧy prosesterdı elektrondy formatqa köşırudı jedeldetudı qolǧa aldy», - dep qorytyndylady Mädi Takiev.
Kezdesudıŋ qorytyndysy boiynşa taraptar tek nätijelı dialog qana jaŋa Salyq kodeksınıŋ jobasyna salyq salu men mūnai-gaz salasyn äkımşılendıru boiynşa tiımdı täsılderdı engızuge mümkındık beretının aitty.
Ministrlıktıŋ mälımetınşe, būl jolǧy kezdesuge Atyrau öŋırı kezdeisoq taŋdalǧan joq. Nege deseŋız, 2023 jyly elımızdegı önerkäsıp öndırısınıŋ jalpy kölemınıŋ 24% Atyrau oblysyna tiesılı boldy. Sonymen qatar öŋır investisiia tartu boiynşa respublikalyq reitingte köş bastap tūr.
Būǧan deiın memlekettık satyp alu jüiesınde qandai özgerıster boluy mümkın ekenın jazǧan bolatynbyz.