Qyzylordada Aral öŋırınıŋ tabiǧatyn saqtauǧa jäne ekojüiesın qorǧauǧa baǧyttalǧan «GREEN ARAL: VOLUNTEERS FOR LIFE 2026» halyqaralyq volonterler aptalyǧynyŋ aşylu räsımı öttı.
Bastama Memleket basşysy Qasym-Jomart Kemelūly Toqaevtyŋ ūsynysymen BŪŪ jariialaǧan Tūraqty damu maqsatyndaǧy Halyqaralyq volonterler jylyna orai ūiymdastyryldy.
Jiynnyŋ aşylu räsımıne oblys äkımınıŋ bırınşı orynbasary Daniiar Janalinov, Qazaqstan Respublikasy Mädeniet jäne aqparat ministrlıgı Azamattyq qoǧam ısterı komitetı töraǧasynyŋ orynbasary Toǧjan Zeidenova, Qazaqstan Halyq Keŋesınıŋ müşelerı Vera Kim men Janar Bimūratqyzy, oblystyq qoǧamdyq keŋes töraǧasy Nauryzbai Baiqadamov, sondai-aq Özbekstan, Qyrǧyzstan jäne Qazaqstannyŋ 10 öŋırınen kelgen 100 volonter jäne oblystaǧy 500-den astam belsendı studentter men erıktı jastar qatysty.
Jiynda oblys äkımınıŋ bırınşı orynbasary Daniiar Janalinov qatysuşylardy «GREEN ARAL» halyqaralyq volonterler aptalyǧynyŋ aşyluymen qūttyqtap, volonterlıktıŋ el ömırındegı maŋyzyna toqtaldy.
«Bügıngı basqosudyŋ Syr öŋırınde ötuı jäne aptalyqtyŋ «GREEN ARAL» dep ataluy airyqşa mänge ie. Būl – qorşaǧan ortany qorǧauǧa, ekologiialyq mädeniettı qalyptastyruǧa jäne Aral öŋırınıŋ taǧdyryna degen ortaq jauapkerşılıktı sezınuge ündeitın maŋyzdy bastama. Aral mäselesı – elımızdıŋ ǧana emes, bükıl älemnıŋ nazaryndaǧy özektı taqyryp. Tabiǧatqa janaşyrlyq tanytyp, ekologiialyq tüitkılderdıŋ şeşımıne üles qosu – barşamyzǧa ortaq mındet. Syr elıne kelgen saparlaryŋyz sättı, jüzdesulerıŋız mazmūndy, bastamalaryŋyz nätijelı bolsyn!», – dedı Daniiar Erenǧaliūly.
Sondai-aq, aimaqtaǧy volonterlık qozǧalystyŋ örkendeuıne üles qosyp, qoǧamdyq jūmystarda belsendılık tanytyp jürgen bırqatar azamattar oblys äkımınıŋ «Alǧys hatymen» marapattaldy.
Şara aiasynda Qazaqstan Respublikasy Mädeniet jäne aqparat ministrlıgı Azamattyq qoǧam ısterı komitetı töraǧasynyŋ orynbasary Toǧjan Zeidenova söz söilep, volonterler bastamalaryn qoldaudyŋ maŋyzyn atap öttı.
Al, «Ūlttyq volonterlık jelı» töraǧasy, Qazaqstan Halyq Keŋesınıŋ müşesı Vera Kim Qazaqstan Halyq Keŋesınıŋ töraǧasy Erlan Qoşanovtyŋ arnaiy qūttyqtau hatyn oqyp berdı.
Aptalyq jastar arasynda volonterlık qozǧalysty damytuǧa, ekologiialyq mädeniettı qalyptastyruǧa jäne halyqaralyq yntymaqtastyqty nyǧaituǧa baǧyttalǧan.
Baǧdarlama barysynda qatysuşylar täjıribe almasyp, ekologiialyq bastamalaryn tanystyrady. Būdan bölek, olar qorşaǧan ortaǧa qatysty özektı mäselelerdı bırlesıp şeşu joldaryn qarastyrady. Negızgı ıs-şaralar Qyzylorda oblysynyŋ Aral audanynda ötedı.
Aptalyq aiasynda belsendı jastardyŋ täjıribe almasu jäne bır-bırımen bailanysyn nyǧaitu maqsatynda «KZO CAMP: ONE COMMUNITY» respublikalyq volonterler sletı de öttı.
«GREEN ARAL: VOLUNTEERS FOR LIFE 2026» halyqaralyq aptalyǧy jastardyŋ, qoǧamdyq ūiymdar men halyqaralyq serıktesterdıŋ basyn qosyp, ekologiialyq volonterlıktı damytuǧa jäne Aral öŋırınıŋ tabiǧatyn qorǧauǧa baǧyttalǧan bastamalardy qoldauǧa jol aşady.
Qyzylorda oblysynyŋ qoǧamdyq damu basqarmasy