Bolat Ötemūratov Qory Qyzylorda oblystyq ortalyq «Aqmeşıt-Syrdariia» meşıtınde jöndeu jäne qalpyna keltıru jūmystaryn aiaqtady. Meşıt Qazaqstan mūsylmandary dıni basqarmasynyŋ qaramaǧyndaǧy Respublikalyq islam dıni bırlestıgıne jatady.
«Aqmeşıt-Syrdariia» – Qyzylorda oblysyndaǧy maŋyzdy ruhani ärı qoǧamdyq nysandardyŋ bırı. Meşıt 2 myŋ adamǧa arnalǧan, jalpy aumaǧy 3 158 şarşy metrdı qūraidy. Qordyŋ qoldauymen meşıttıŋ qasbetı bırkelkı aq märmär jäne qoiu tüstı granitpen jaŋartyldy. Sonymen qatar meşıttıŋ ışkı bölmelerı men injenerlık jüielerı jaŋartylyp, kıreberıs esıkterı men terezelerı auystyryldy. Namaz zaldaryna jeldetu jäne auany baptau jüielerı ornatyldy.
«Aqmeşıt-Syrdariia» meşıtı 2008 jyly Bolat Jämitūly Ötemūratovtyŋ qoldauymen boi köterdı. Sodan berı ol Qyzylordanyŋ ruhani jäne mädeni-aǧartuşylyq ömırınde özındık orny bar. Bügınde meşıtke kün saiyn şamamen 1 myŋ adam keledı. Bız üşın araǧa jiyrma jylǧa juyq uaqyt salyp, Bolat Ötemūratov Qorynyŋ meşıtke qaita qoldau körsetuı maŋyzdy. Jürgızılgen jūmystar meşıttıŋ kelbetın saqtai otyryp, keluşılerge qolaily jaǧdai jasauǧa mümkındık berdı. Qoldau körsetken Qorǧa alǧysymyzdy bıldıremız», – deidı «Aqmeşıt-Syrdariia» meşıtınıŋ bas imamy Dastan Qūrmanbaev.
Jöndeu jūmystaryna 867 mln teŋge jūmsaldy. Jöndeu jūmystary alty ai boiy meşıttıŋ qalypty jūmysyn toqtatpai jürgızıldı.
«Būl – Bolat Ötemūratov Qorynyŋ Qyzylorda oblysyndaǧy alǧaşqy jobasy emes. Būǧan deiın Qor «Qorqyt Ata» äuejaiynyŋ jaŋa terminalyn ıske qosty, «Asyl Miras» autizm-ortalyǧyn aşyp, perinataldyq ortalyqty qajettı medisinalyq qūral-jabdyqtarmen qamtamasyz ettı. Qazır Qorqyt Ata atyndaǧy Qyzylorda universitetı jäne Berklidegı Kaliforniia universitetımen bırlesıp, Aral teŋızınıŋ qūrǧap qalǧan tübınıŋ ekojüiesın qalpyna keltıru jobasyn jüzege asyryp jatyrmyz. Meşıttı jaŋartu – Qordyŋ öŋırdegı jüielı jūmysynyŋ jalǧasy», – deidı Bolat Ötemūratov Qorynyŋ bas direktory Ainūr Kärıbozova.
Bolat Ötemūratov Qory 2014 jyldan berı Qazaqstannyŋ türlı öŋırlerınde bılım beru, densaulyq saqtau, inkliuziia, mädeniet, ekologiia jäne äleumettık qoldau baǧyttarynda jobalardy jüzege asyryp keledı. Olardyŋ qatarynda Esık pen Qosşydaǧy mektepter, Qosşydaǧy komiuniti-ortalyq jäne Jezqazǧandaǧy «Şabyt» Balalar men jasöspırımder şyǧarmaşylyq ortalyǧy bar.
2014 jyldan berı Qordyŋ äleumettık jobalarǧa baǧyttaǧan qarajaty 250 mln dollardan asty.
Bolat Ötemūratov Qorynyŋ baspasöz qyzmetı