Bügın oblys äkımı Mūrat Ergeşbaev «Qūzyrettılık ortalyǧyndaǧy» №222 sailau uchaskesıne baryp, Qazaqstan Respublikasy Qūryltai deputattarynyŋ sailauynda dauys berdı. Tūrǧyndarmen kezdesıp, pıkırlerın tyŋdady.
«Jyl basynda Syr boiynda ötken Ūlttyq qūryltaidyŋ qorytyndy besınşı otyrysynda Prezidentımız elımızdıŋ aldaǧy strategiialyq baǧytyn aiqyndap, konstitusiialyq reformalardy ūsynǧan bolatyn.
Jalpyhalyqtyq referendum arqyly qabyldanǧan jaŋa Konstitusiiamyz asa auqymdy qoǧamdyq-saiasi üderısterge jol aşyp, memlekettık basqaru jüiesın jaŋǧyrtuǧa mümkındık berdı.
Bügın ötıp jatqan Qūryltai deputattarynyŋ sailauy – Ädılettı ärı Quatty Qazaqstannyŋ jaŋa baǧdaryn aiqyndaityn tarihi oqiǧa.
Jaŋa Qūryltai Parlamenttık jüienıŋ tarihi sabaqtastyǧyn saqtap, egemen elımızdıŋ jarqyn bolaşaǧyna qyzmet etedı. Syr jūrtşylyǧy elımızdıŋ erteŋıne beijai qaramai, bügıngı sailauǧa da belsendı qatysady dep senemın», – dedı Mūrat Nälqojaūly.
Qyzylorda oblysynda 500 591 dauys beruşı tızımge engızılgen, 386 uchaskede 2720 komissiia müşesı qyzmet atqarady. Qyzylorda qalasynda 132 uchaske bar. Uchaskeler taŋǧy saǧat 6.00-de aşyldy. Dauys beru 7.00-den bastalyp, 20.00-ge deiın jürgızıledı.
Azamattardyŋ uchaskesın anyqtauǧa arnalǧan 4 onlain servis jūmys ısteidı. Sondai-aq, uaqytşa tırkeu qyzmetımen ainalysatyn 5 uchaske bar.
Qimyl-qozǧalysy qiyn mügedektıgı bar azamattardy tasymaldau üşın 67 invataksi, 45 surdoaudarmaşy ymdau tılı qyzmetın körsetude.
Aita keteiık, azamattardyŋ dauys beru uchaskesın naqtylau maqsatynda Call-ortalyq (109) jäne «Özıŋdı sailauşylar tızımınen tekser» servisı (saylau.orda.gov.kz/ru) jūmys ısteidı.
Är azamat jeke säikestendıru nömırın teru arqyly qai sailau uchaskesınde tırkelgenın jäne sol uchaskesınıŋ qai mekenjaida ornalasqanyn kartadan onlain köre alady.
Sonymen qatar, telegram-bot (saylaukzo_Bot) jäne «Smart Qyzylorda» mobildı qosymşasy arqyly tekseru mümkındıgı qarastyrylǧan.
Sailau uchaskelerınde ūlttyq oiyndar, taqyryptyq körmeler ūiymdastyrylyp, önerpazdar ännen şaşu şaşty.
Qyzylorda oblysy äkımınıŋ baspasöz qyzmetı