Jiynda Astana, Türkıstan, Şymkent jäne Aqtau qalalarynda ūiymdastyrylatyn bırqatar halyqaralyq turnirlerge daiyndyq barysy qaraldy. Äsırese, sportşylar men körermenderdıŋ qauıpsızdıgın qamtamasyz etu, sport infraqūrylymynyŋ daiyndyǧy, logistika, medisinalyq qyzmet körsetu, şeteldık delegasiialardy ornalastyru, sondai-aq ortalyq jäne jergılıktı atqaruşy organdar arasyndaǧy üilesımdı özara ıs-qimyl mäselelerıne erekşe nazar audaryldy.
Keŋes barysynda qatysuşylar elordada ötetın bochchadan Älem kubogıne daiyndyqty talqylady. Atalǧan jarysqa älemnıŋ 25 elınen sportşylar qatysady. Sonymen qatar 16 elden şamamen 350 sportşy baq synaityn baidarka men kanoede eskek esuden Aziia chempionaty, 1600-ge juyq sportşy qatysatyn taekvondodan (WT) halyqaralyq turnirler, 15 elden şamamen 250 sportşy jinalatyn jeŋıl atletikadan XXXV Ǧūsman Qosanov memorialy, 50 elden 500-ge juyq sportşy beldesetın kuraştan älem chempionaty jäne 700 sportşy qatysatyn WKF karateden Ortalyq Aziia chempionatyna daiyndyq mäselelerı de söz boldy.
Turizm jäne sport ministrınıŋ orynbasary Serık Jarasbaev halyqaralyq jarystardy joǧary deŋgeide ötkızudıŋ maŋyzyn atap ötıp, mūndai ırı sporttyq ıs-şaralar Qazaqstannyŋ halyqaralyq sport arenasyndaǧy bedelın nyǧaituǧa, sport infraqūrylymyn damytuǧa jäne būqaralyq sportty keŋınen nasihattauǧa yqpal etetının aitty.
Kezdesu qorytyndysy boiynşa jauapty memlekettık organdarǧa, federasiialarǧa jäne jarys ūiymdastyruşylaryna aldaǧy halyqaralyq dodalarǧa sapaly ärı uaqtyly daiyndyqty qamtamasyz etu jönınde naqty tapsyrmalar berıldı.
Baspasöz qyzmetı