Bügıngı taŋda 13 mlrd teŋgeden astam qarajat öteldı. Būl turaly QMA men Joǧary bılım jäne ǧylym ministrlıgımen bırlesıp elımızdıŋ 100-den astam joǧary oqu oryndary üşın ūiymdastyrylǧan qūqyqtyq mädeniet jäne qarjylyq sauattylyqty arttyru jönındegı vebinar barysynda belgılı boldy. Şara «Tärtıptı özıŋnen basta!» estafetasy aiasynda ötkızıldı. Agenttıkte alaiaqtyq jobalardyŋ ömırlık siklın jäne olarǧa tartylǧan salymşylar sanyn qysqartuǧa baǧyttalǧan "Qarjy piramidalaryna qarsy ıs-qimyl" arnaiy jobasy engızıldı. Aǧymdaǧy jyldyŋ basynan berı internet keŋıstıgınde 47 qarjy piramidasy anyqtaldy. Olarǧa qatysty äleumettık jelılerde 300-ge juyq chat jabylyp, şamamen 2 millionǧa juyq qatysuşy – äleuettı salymşylar bolǧan. Osy jyly äleumettık jelılerdı taldau nätijesınde qarjy piramidasy belgılerı bar saittarǧa 11,7 myŋnan astam sılteme būǧattaldy. Vebinar barysynda qatysuşylarǧa jinaqtaryn salu kezınde nazar audaru qajet negızgı belgıler turaly aityldy:
• täuekeldersız jäne küş-jıgersız joǧary tabys uäde etu;
• jaŋa klientterdı mındettı türde tartu;
• internette belsendı jarnama jasau;
• kompaniianyŋ Qazaqstan Respublikasynda tırkelmeuı nemese jaqyn arada tırkeluı;
• zaŋdyq süiemeldeudıŋ bolmauy (şarttyŋ bolmauy nemese taraptardyŋ mındettemelerınsız jasaluy);
• salymdardy qolma-qol aqşamen, kriptovaliuta arqyly nemese bankterdıŋ qatysuy bolmaityn tölem jüielerı arqyly qabyldau.
Aita keteiık, Agenttıkte qarjy piramidalarynyŋ belgılerın tekseruge mümkındık beretın «Baiqa, piramida!» Telegram-boty ıske qosuly. Eger Sız nemese jaqyndaryŋyz qarjy piramidasynyŋ äreketıne tap bolsa, tūrǧylyqty jerıŋız boiynşa Ekonomikalyq tergep-tekseru departamentıne jügınudı sūraimyz.
Azamattardy saq boluǧa jäne kümändı qarjylyq ūiymdarǧa jinaqtaryn salmauǧa şaqyramyz.
Foto aşyq derekközderden