Turizm jäne sport ministrlıgınde ışkı turizmdı damytuǧa, eldıŋ turistık äleuetın nasihattauǧa jäne Qazaqstannyŋ sifrly keŋıstıgındegı oŋ imidjın qalyptastyruǧa üles qosyp jürgen otandyq trevel-blogerler men kontent-kreatorlar marapattaldy.
Saltanatty räsım barysynda Erbol Myrzabosynov qatysuşylarǧa «Turizm salasynyŋ üzdıgı» nagradasyn tabystap, Qazaqstannyŋ turistık baǧyttaryn el ışınde de, halyqaralyq deŋgeide de tanytuda sifrlyq kontent pen zamanaui medianyŋ maŋyzdy röl atqaratynyn atap öttı.
«Sızderdıŋ eŋbekterıŋızdıŋ arqasynda elımız şetelde keŋınen tanylyp keledı, al memleketımızdıŋ oŋ imidjı el ışınde de, halyqaralyq deŋgeide de nyǧaia tüsude. Sol üşın sızderge alǧysymdy bıldıremın jäne turizmdı damytuǧa qatysty şeşımder qabyldauda täjıribege negızdelgen täsıldı jetıldıru baǧytynda bırlese jūmys ısteuge şaqyramyn», — dep atap öttı ministr.
Sondai-aq ministr Dastan Mūhamedrahymovty @bydastan internet-jobalar men sifrly kontent salasynda «Oskar» atanyp ketken WIBA Awards 2026 halyqaralyq syilyǧynyŋ «Üzdık trevel-bloger» ataǧyn jeŋıp alǧanymen qūttyqtady. Sonymen qatar Örken Darhanūlynyŋ @orkeni sapaly qazaqtıldı kontenttı damytuǧa qosqan ülesı, Talǧat Qanatūlynyŋ @talashin ekologiialyq ärı jauapty turizm mädenietın nasihattauy jäne Säken Daniiarūlynyŋ @saken_kagarov belsendı demalys pen sporttyq turizmdı damytu baǧytyndaǧy jūmysy aityldy.
Eske sala keteiık, biyl mamyr aiynda Turizm jäne sport ministrlıgı men Ekologiia jäne tabiǧi resurstar ministrlıgı arasynda ekoturizmdı damytuǧa baǧyttalǧan memorandumǧa qol qoiyldy. Yntymaqtastyq aiasynda blogerler men dron operatorlaryna turistık kontent äzırleu üşın erekşe qorǧalatyn tabiǧi aumaqtarǧa jeŋıldetılgen tärtıppen kıruge mümkındık beredı.
Sonymen qatar, 2026 jyly Qazaqstanda alǧaş ret oqiǧaly turizmdı damytuǧa jäne şeteldık turisterdı tartuǧa baǧyttalǧan 55 ırı ıs-şarany qamtityn bıryŋǧai oqiǧalar küntızbesı jasaqtaldy. Onyŋ qatarynda «Dämdästür», «Qyzǧaldaq mūra», Sivers almasynyŋ güldeu festivalı, sondai-aq alda ötetın «Altyn besık – Aqsuat», «Kökmaisa» jäne «Qazynaly Kaspii» festivalderı bar.
Räsım soŋynda qatysuşylarǧa biyl Astanada 29 şılde men 9 tamyz aralyǧynda ötetın «Bolaşaq oiyndary» turnirı jäne 20-23 tamyz künderı Almatyda ūiymdastyrylatyn TBEX Asia 2026 halyqaralyq forumy turaly aityldy. Forumǧa älemnıŋ tükpır-tükpırınen 200-den astam trevel-bloger men turizm industriiasynyŋ ökılderı qatysady dep josparlanǧan.