Almaty oblysynda «Sybys» körkem filmınıŋ tüsırılımı bastaldy. Joba Qazaqstan Respublikasy Mädeniet jäne aqparat ministrlıgınıŋ tapsyrysy boiynşa jäne Ūlttyq kinony qoldau memlekettık ortalyǧynyŋ qoldauymen jüzege asyryluda. Tüsırılımnıŋ bastaluyna orai ötken dästürlı «tärelke şaǧu» räsımıne Kino ortalyǧynyŋ basşylyǧy men tüsırılım toby qatysty.
Film — 2025 jylǧy pitchingtıŋ jeŋımpazy. Joba jas rejisser Teljan Nūrmahannyŋ debiuttık jūmysy bolsa, prodiuserı — memlekettık qoldaumen tüsırılgen filmder arasynda ötken jyldyŋ prokat rekordsmenı atanǧan «Qaitadan» tuyndysymen tanylǧan Jalyn Tıleubergen.
«Filmnıŋ şyǧarmaşylyq toby jas ärı talantty mamandardan qūralǧan. Tuyndy qoǧamdaǧy özektı äleumettık mäselelerdı köterıp, köpşılıkke jaqyn taqyryptardy qozǧaidy ärı ömır şyndyǧyna negızdelgen. Joba memlekettık qarjy esebınen jüzege asyrylyp jatqandyqtan, onyŋ sapasy men mazmūnyna erekşe män berıledı. Tüsırılım toby jūmysqa tolyq daiyn», — dep atap öttı Ūlttyq kinony qoldau memlekettık ortalyǧynyŋ Basqarma töraǧasy Qūrmanbek Jūmaǧali.
«Sybys» — sözdıŋ qūdıretın aşatyn tuyndy: bır auyz abaisyz aitylǧan söz taǧdyrlardy özgertuı mümkın. Äuelde jeŋıl örbitın oqiǧa bırtındep tereŋ dramaǧa ūlasyp, ūlyn qorǧauǧa tyrysqan äkenıŋ öz ūstanymdarynyŋ qūrbanyna ainaluyn beineleidı.
Aita keteiık, filmge 2025 jyly Kino ortalyǧy ūiymdastyrǧan «JARQYRA» respublikalyq kastingınıŋ nätijesınde ırıktelgen akterler qatysuda. Kasting elımızdıŋ 19 qalasynda bır mezgılde ötıp, oǧan myŋnan astam jas talant qatysty. Irıkteuden ötken üzdık qatysuşylar Kino ortalyǧynyŋ resmi akterlık bazasyna engızılıp, bügınde jaŋa jobalarǧa belsendı türde tartyluda. Būl jas önerpazdarǧa käsıbi tūrǧyda damyp, elımızdıŋ maŋyzdy kinotuyndylaryna qatysuǧa mümkındık beredı.