Q.J.Toqaevtyŋ tapsyrmasymen Almatyda «ABAI ULTTYQ MEKTEBI» alǧaşqy ūlttyq mektebınıŋ qūrylysy bastaldy. Jaŋa bılım beru ūiymy Abai filosofiiasyna, onyŋ ışınde «bes asyl ıs» ideiasyna negızdelgen. Būl mektepte qazaq tılı men ädebietı tereŋdetılıp oqytylady. Ol üşın qazırgı jūmys jasap tūrǧan Abai atyndaǧy mektep-internatynyŋ äleuetı tolyqtai paidalanylady.
İnkliuziialyq saiasatty bılım berudıŋ barlyq deŋgeiınde jüzege asyru maqsatynda Ūlttyq ǧylymi-praktikalyq üzdıksız inkliuzivtı bılım beru ortalyǧyn qūru turaly şeşım qabyldandy. Onyŋ qyzmetıne ädıstemelık süiemeldeu, zertteuler jürgızu, bılım aludaǧy qiyndyqtardy anyqtau jäne aldyn alu, sondai-aq psihologiialyq-pedagogikalyq süiemeldeu qyzmetterın üilestıru jatady. Äsırese, aita ketu kerek, mektep kıtaphanalaryn modernizasiialau, bılım aluşylardyŋ kıtap oquǧa qyzyǧuşylyǧyn arttyruǧa basymdyq berılude. Osy bastamalardyŋ aiasynda alǧaşqy qazyǧy 1932 jyly qaǧylǧan Respublikalyq ǧylymi-pedagogikalyq kıtaphanany transformasiialau jürgızılude. Bügınde onyŋ qorynda 400 myŋnan astam kıtap pen 3 myŋnan astam ǧylymi pedagogikalyq eŋbek bar. Būdan bölek, mektep kıtaphanaşylarynyŋ bılıktılıgın arttyru kurstary da ötkızılıp tūrady. 2024 jyly kolledjder men mektepterden 1 775 maman oqudan öttı. Jürgızılgen jūmystardyŋ arqasynda elımızdıŋ mektep kıtaphanalarynyŋ qory 1,6 mln körkem ädebietpen tolyǧyp, jalpy qor sany 141 mln kıtaptan asty. Kezdesu soŋynda oqu-aǧartu ministrı Ǧani Beisembaev būl baǧyttaǧy jūmystardy jandandyrudyŋ maŋyzdylyǧyn jäne oǧan bılım beru jüiesınıŋ barlyq deŋgeiınde basymyq beru kerek ekenın atap öttı. Ol ärbır joba üşın ıs-şaralar josparyn äzırleudı jäne oǧan tūraqty monitoringıleu jürgıze otyryp, tiımdı jüzege asyryluyn qamtamasyz etudı tapsyrdy.
baspasöz qyzmetı