Oǧan oblys äkımı Mūrat Ergeşbaev, oblystyq mäslihat töraǧasy Mūrat Tleumbetov, ziialy qauym ökılderı men sala ardagerlerı qatysty.
Aimaq basşysy qūrylysşylardyŋ öŋırdı damytudaǧy eselı eŋbekterın joǧary baǧalady.
«Barşaŋyzdy käsıbi merekelerıŋız – Qūrylysşylar künımen şyn jürekten qūttyqtaimyn! Qūrylysşy – qoǧamdaǧy eŋ qadırlı, eŋ jasampaz mamandyqtardyŋ bırı.
Memleket basşysy Qasym-Jomart Kemelūly «Elımızde neǧūrlym qūrylys köp bolsa, Qazaqstan da soǧūrlym örkendei beredı. Eŋ aldymen, būl – negızgı infraqūrylymǧa qatysty maqsat. Bız temırjoldardy, avtojoldardy, äuejailardy, vokzaldardy, sumen qamtamasyz etetın ırı qūrylǧylardy, öndırıs jäne önım käsıporyndaryn, qala ǧimarattaryn jäne taǧy basqa nysandardy joǧary qarqynmen saluymyz kerek» degen bolatyn.
Syr boiyndaǧy qūrylys şejıresınıŋ tamyry tereŋde jatyr. Köne Şırık Rabat, Syǧanaq pen Jankent şaharlarynan bastau alǧan säulet önerınıŋ dästürı bügıngı zamanaui qūrylyspen sabaqtasady.
Prezidentımızdıŋ, Ükımettıŋ erekşe qoldauymen Syr öŋırı qarqyndy qūrylys alaŋyna ainaldy. Aimaǧymyzda 2022 jyldan berı 270-ten astam äleumettık nysan salynyp, 46 bılım beru, 45 densaulyq saqtau, 22 mädeniet, 27 sport nysany halyq igılıgıne berıldı.
Memleket basşysynyŋ qoldauymen Qorqyt Ata äuejaiynyŋ jaŋa terminaly, zamanaui ülgıdegı avtovokzal ǧimaraty ıske qosyldy. «Qazaqstan Temır Joly» kompaniiasynyŋ, jergılıktı käsıpkerlerdıŋ demeuşılıgımen Qyzylorda temırjol vokzaly kürdelı jöndeuden öttı. Prezidentımızdıŋ tapsyrmasymen barlyq audandaǧy temırjol vokzaldary qaita jaŋǧyrtyldy.
Biyl 28 jobanyŋ qūrylysyna biudjetten 177 mlrd. teŋge bölındı. Bügınde sol jaǧalaudaǧy 100 keluşıge arnalǧan emhanasy jäne onkologiialyq bölımşesı bar 300 oryndyq köpbeiındı auruhana, 500 keluşıge arnalǧan emhana, Titov şaǧyn audanynda 400 oryndyq № 5 emhana ǧimaraty, 200 oryndyq perinataldyq ortalyq jäne «Qyzylorda Arena» köpfunksionaldy sport keşenı salynuda.
Memleket basşysynyŋ Ūlttyq qūryltaidyŋ besınşı otyrysynda bergen tapsyrmasyna säikes qalamyzda täulık boiy jūmys ısteitın zamanaui kıtaphana men jaŋa drama teatrdyŋ qūrylysy bastaldy.
Osy rette el igılıgıne adal qyzmet etıp jürgen qūryş qoldy qūrylysşylarǧa oblys halqynyŋ atynan şeksız alǧysymdy bıldıremın! Sızderge sarqylmas küş-quat, otbasylaryŋyzǧa qūt-bereke, denderıŋızge saulyq tıleimın!», - dedı Mūrat Nälqojaūly.
Saltanatty şarada qūrylys salasynyŋ üzdıkterı QR Premer-ministrınıŋ bırınşı orynbasary Nūrlybek Nälıbaevtyŋ Alǧys hatymen, Önerkäsıp jäne qūrylys ministrlıgınıŋ «Qūrmettı qūrylysşy» tösbelgısımen, Qūrmet gramotasymen jäne Alǧys hatymen, Qyzylorda oblysynyŋ Qūrmet gramotasymen, «Qyzylorda oblysynyŋ damuyna qosqan ülesı üşın» medalımen, oblys äkımınıŋ Alǧys hatymen marapattaldy.
Merekelık ıs-şarada estrada änşısı, Qazaqstannyŋ eŋbek sıŋırgen qairatkerı Aigerım Qalaubaeva jäne Syr önerpazdary ännen şaşu şaşty.
Aimaqta tūrǧyndardy baspanamen qamtamasyz etuge baǧyttalǧan jobalar nätijelı ıske asuda.
Soŋǧy tört jylda 7600 päter berılıp, 30 myŋnan astam tūrǧyn baspanaly boldy.
2026-2027 jyldary 6200-den astam päter
tabystau, 25 myŋǧa juyq tūrǧynnyŋ baspana mäselesın şeşu josparlanǧan. Onyŋ 1200 päterı audan ortalyqtarynda salynyp jatyr.
Jyl soŋyna deiın qūrylys jūmystarynyŋ naqty oryndalǧan kölemın 369 mlrd. teŋgege jetkızu közdelude.
Jaqynda ǧana Prezidenttıŋ qatysuymen strategiialyq infraqūrylymdyq jobalardyŋ bırı - «Qyzylorda – Sekseuıl», «Ūlǧaisyn – Sekseuıl» jäne «Beineu – Sekseuıl» avtokölık joldarynyŋ qūrylysy resmi türde bastau aldy.
«Qazatomönerkäsıp» Ūlttyq atom kompaniiasynyŋ demeuşılıgımen 2,9 mlrd. teŋgege juyq qarjyǧa Jaŋaqorǧan, Şielı audandarynda ekı sport keşenı, auyldyq klub pen emhana qūrylysy biyl bastalady.
Qyzylorda oblysy äkımınıŋ baspasöz qyzmetı