Būl baǧyttaǧy negızgı basymdyqtar – dopingke qarsy tiımdı saiasat jürgızu, sportşylardyŋ densaulyǧyn qorǧau jäne ädıl bäsekenı qamtamasyz etu.
Ministrlık dopingke qarsy erejelerdı būzuǧa qatysty nöldık tözımdılık qaǧidatyn ūstanady. Qazaqstannyŋ Dopingke qarsy ūlttyq ortalyǧy Düniejüzılık antidoping erejesın būzǧan sportşylar turaly aqparatty jariialauy aşyqtyqty qamtamasyz etu, aiqyndyqty saqtau jäne halyqaralyq mındettemelerdı oryndau saiasatynyŋ bır bölıgı. Dopingke qarsy ūlttyq ortalyqtyŋ jüielı jūmysy dopingke qatysty būzuşylyqtardy der kezınde anyqtap, sportşylardyŋ halyqaralyq jarystarǧa qatysuyna jol bermeidı. Būl öz kezegınde Qazaqstannyŋ sporttyq bedelın halyqaralyq deŋgeide nyǧaituǧa yqpal etedı.
Biyl nauryz aiynda jeŋıl atletikadan jabyq keşendegı älem chempionaty aiasynda Turizm jäne sport ministrı Erbol Myrzabosynov pen WADA prezidentı Vitold Banka özara tüsınıstık turaly memorandumǧa qol qoidy. Qūjat bılım beru, dopingtıŋ aldyn alu jäne ǧylymi zertteuler baǧyttaryndaǧy bırlesken jūmysty keŋeituge baǧyttalǧan.
«Qazaqstan Ortalyq Aziia öŋırınde taza sportty damytuda maŋyzdy röl atqarady», – dep atap öttı WADA Prezidentı Vitold Banka. Sondai-aq ol Qazaqstannyŋ antidoping mädenietın damytuǧa jäne halyqaralyq yntymaqtastyqty nyǧaituǧa qosqan ülesın joǧary baǧalady.
Kezdesu barysynda taraptar 2027 jyly Astanada WADA Atqaruşy komitetı men Qūryltai keŋesınıŋ otyrystaryn ötkızu mümkındıgın talqylady. Mūndai deŋgeidegı ıs-şaralardyŋ Qazaqstanda ötuı eldıŋ antidoping saiasatyndaǧy jüielı jūmystyŋ nätijesı retınde qarastyrylady.
Bügınde Qazaqstan älemdık sporttaǧy ädıldık, aşyqtyq jäne adal bäsekelestık qaǧidattaryn däiektı türde qoldaityn senımdı halyqaralyq ärıptes retındegı rölın nyǧaityp keledı. Sonymen qatar sportşylar, jattyqtyruşylar jäne sala mamandary arasynda dopingtıŋ aldyn alu men bılım beru jūmystaryna erekşe köŋıl bölınıp keledı.