Dropperler internet-alaiaqtyqtyŋ negızgı buyny bolyp tabylady, öitkenı olar ūrlanǧan qarajatty şyǧaru men zaŋdastyruǧa jaǧdai jasaidy: soŋǧy bes aidyŋ özınde olardyŋ kömegımen alaiaqtar azamattardan jymqyrylǧan şamamen 400 mln teŋgenı qolma-qol aqşaǧa ainaldyrǧan.
Dropperlık üşın qylmystyq jauaptylyq engızılgen uaqyttan bastap (16.09.2025j. bastap) Qazaqstan Respublikasy Qylmystyq kodeksınıŋ 232-1-baby boiynşa 700-den astam qylmystyq ıs tırkeldı.
Atalǧan bap boiynşa bank şottaryn zaŋsyz bergenı nemese basqa tūlǧalardyŋ müddesı üşın aqşa audarymdaryn jasaǧany üşın 7 jylǧa deiın bas bostandyǧynan aiyru jazasy közdelgen.
Osy uaqyt ışınde 216 dropper jauaptylyqqa tartylyp, onyŋ 202-sı sot ükımımen sottaldy.
Mysaly, Batys Qazaqstan oblysynda sot 19 jastaǧy 7 kolledj studentın 3 jylǧa bas bostandyǧynan şektedı. Olar bank şottaryn aşyp, qoljetımdılıktı alaiaqtarǧa bergen.
Osy şottar arqyly azamattardan, onyŋ ışınde zeinetkerlerden de jymqyrylǧan 4 million teŋgeden astam aqşa ötken.
Endı olar sot belgılegen şekteulerdı saqtauǧa, mäjbürlı eŋbekke tartyluǧa jäne probasiia qyzmetınıŋ esebınde tūruǧa mındettı.
Eger būl talaptar oryndalmasa, jaza bas bostandyǧynan aiyruǧa auystyrylyp, olar tüzeu mekemesıne jıberıledı.
Qylmystyq jauaptylyqtan bölek, dropperlerge bank tarapynan şekteuler qoiu, şottardy būǧattau jäne özge de qarjylyq yqpal etu şaralary qoldanylady.
Osyndai täuekelder «Astana» halyqaralyq qarjy ortalyǧynda lisenziiasy joq kriptobirjalarda sifrlyq aktivtermen sauda jasau kezınde de tuyndaidy.
Negızınde, osyndai alaŋdar arqyly alaiaqtar qylmystyq jolmen alynǧan kırısterdı zaŋdastyrady.
Eger būryn öz şottaryŋyzdy üşınşı tūlǧalarǧa paidalanuǧa bergen bolsaŋyz, qūqyqqa qaişy shemalarǧa tartylu qaupın boldyrmau üşın dereu bank bölımşesıne jügınıŋız nemese onlain-banking arqyly kartaŋyzdy özıŋız būǧattaŋyz.
Qazaqstan Respublikasy Qylmystyq kodeksınıŋ 232-1-babynyŋ eskertpesıne säikes, qūqyqqa qaişy shemaǧa tartylǧan, bıraq būl turaly uäkılettı organdarǧa öz erkımen habarlap, qylmysty aşuǧa belsendı türde kömektesken tūlǧa qylmystyq jauaptylyqtan bosatylady.
Alaiaqtardyŋ qūralyna ainalmaŋyz.
Bas prokuraturanyŋ baspasöz qyzmetı