Qarjylyq monitoring agenttıgı därılık preparattardy satyp alu kezınde mülıktık zalal keltıru faktısı boiynşa tergep-tekserudı aiaqtady.
«İnterfarmservis» JŞS Qazaqstan aumaǧynda Diuşenn būlşyqet distrofiiasyn emdeuge arnalǧan därılık zattardyŋ distribiutory jäne jalǧyz jetkızuşısı bola otyryp, bes jyl boiy olardy elımızdıŋ medisinalyq ūiymdaryna jetkızıp kelgen.
Atalǧan preparattar boiynşa öndıruşı şektı satu baǧalaryn belgılegen.
Alaida kompaniia basşylyǧy zaŋsyz paida tabu maqsatynda jetkızu tızbegıne Bırıkken Arab Ämırlıkterınde tırkelgen özderıne baǧynysty kompaniiany qosyp, sol arqyly jalǧan mämıleler jürgızgen.
Osy shema arqyly preparattardyŋ satu baǧasy jasandy türde ösırılıp, olardyŋ naqty özındık qūny jasyrylyp, zaŋsyz paida alynǧan.
Nätijesınde memleketke 3,7 mlrd teŋge kölemınde zalal keltırıldı.
Alynǧan tabysqa salyq töleuden jaltaru maqsatynda serıktestık basşylyǧy türlı jeke käsıpkerlermen jalǧan mämıleler jasap, jalǧan şot-fakturalar räsımdeu arqyly qarajatty şyǧaru shemasyn ūiymdastyrǧan.
Sonyŋ saldarynan 4 mlrd teŋgeden astam qarajat qolma-qol aqşaǧa ainaldyrylǧan. Kompaniia 637 mln teŋgeden astam salyq töleuden jaltarǧan.
Zaŋsyz baiu nätijesınde käsıpkerler 32 päter, 11 avtokölık jäne 8 tūrǧyn üi satyp alǧan. Atalǧan mülıkke tärkıleu maqsatynda tyiym salyndy.
Ekı küdıktıge qatysty üiqamaq türındegı būltartpau şarasy, üşınşı tūlǧaǧa qatysty kepıl türındegı būltartpau şarasy qoldanyldy.
Qazırgı uaqytta taraptar qylmystyq ıs materialdarymen tanysudy bastady.
Qazaqstan Respublikasy QPK-nıŋ 201-babyna säikes özge aqparat jariialauǧa jatpaidy.
QR QMA Baspasöz qyzmetı