Türkıstan oblysynda Baidıbek audandyq bılım bölımınıŋ lauazymdy tūlǧalaryna qatysty biudjet qarajatyn jüielı türde jymqyru faktısı boiynşa sot ükımı şyqty.
Tergeudı QMA Türkıstan oblysy boiynşa departamentı jürgızdı.
Basşylar, buhgalterler jäne ekonomisterdı qosa alǧanda 18 lauazymdy tūlǧa jalaqy men özge de tölemderge arnalǧan biudjettık ötınımderdı negızsız ūlǧaitu arqyly audannyŋ 49 jalpy bılım beretın mektep qarajatyn iemdenu shemasyn ūiymdastyrǧan.
Buhgalteriia qyzmetkerlerı elektrondyq jüielerge ädeiı jalǧan mälımetter engızıp otyrǧan. Tölem vedomostary men esep paraqtaryna ıs jüzınde jūmys ıstemegen adamdar engızılgen nemese jalaqy men üstemeaqylardyŋ kölemı negızsız ösırılgen.
Operasiialarǧa zaŋdy sipat beru üşın qyzmettık jazbalar, būiryqtar, esep vedomostary men jūmys uaqyty tabelderı siiaqty jalǧan qūjattar paidalanylǧan. Qūjattardyŋ bır bölıgı tölemder jürgızılgennen keiın kerı künmen räsımdelıp nemese eseptılıktı säikestendıru maqsatynda tüzetılgen.
Qarajat jalǧan tūlǧalardyŋ, onyŋ ışınde tuystary men tanystarynyŋ banktık şottaryna audarylyp, keiın aldyn ala kelısılgen ülester boiynşa qatysuşylar arasynda bölıngen.
Nätijesınde memleketke keltırılgen zalal 583 mln teŋgeden asty.
Tergeu barysynda küdıktıler keltırılgen şyǧyndy tolyq ötedı.
Sot 14 adamdy 3 jyldan 7 jylǧa deiın bas bostandyǧynan aiyru jazasyna kestı. Taǧy 4 adamǧa qatysty ıs raqymşylyqqa bailanysty toqtatyldy.
Ükım zaŋdy küşıne endı.