Qazaqstan sporttyq atu federasiiasynyŋ töraǧasy Berık Asylov Japoniiada ötıp jatqan Aziia para oiyndarynda altyn medal jeŋıp alǧan qazaqstandyq sportşy Erkın Ǧabbasovty qūttyqtady.
Pnevmatikalyq vintovkadan 10 metr qaşyqtyqqa atu saiysynda Erkın 249,1 ūpai jinap, jarystyŋ jaŋa rekordyn ornatty jäne Oŋtüstık Koreianyŋ myqty qarsylastaryn basyp ozdy.
Būl jeŋıs Qazaqstan qorjynyna altyn medal ǧana emes, 2028 jyly Los-Andjeleste ötetın Paralimpiada oiyndaryna da joldama äkeldı.
Berık Asylov chempiondy joǧary jetıstıgımen qūttyqtap, halyqaralyq arenada el namysyn abyroimen qorǧaǧany üşın alǧys bıldırdı. Sondai-aq sportşylardyŋ sapaly daiyndaluyna qajettı jaǧdai jasau, onyŋ ışınde olardy eŋ zamanaui sporttyq qūral-jabdyqtarmen qamtamasyz etudıŋ maŋyzdylyǧyn atap öttı.
Äŋgıme barysynda Erkın Ǧabbasov Federasiia basşysyna tūraqty köŋıl bölıp, qoldau körsetıp kele jatqany üşın rizaşylyǧyn bıldırdı. Sportşy äsırese Berık Asylov biylǧy tamyz aiynda chempionatqa daiyndyq qarsaŋynda tabystaǧan WALTHER LG500 ITEC BTE käsıbi pnevmatikalyq vintovkasyn erekşe atap öttı.
Zamanaui sporttyq qaru jattyǧu üderısınde jäne jauapty halyqaralyq jarystarǧa daiyndyq barysynda maŋyzdy qoldau boldy.
Aita keteiık, Erkın Ǧabbasov būǧan deiın Paralimpiada oiyndarynyŋ kümıs jüldegerı atanǧan. Al qazırgı altyn medal men jaŋa rekord onyŋ joǧary şeberlıgınıŋ, tabandylyǧy men maqsatkerlıgınıŋ kezektı dälelı boldy.
Erkın Ǧabbasovty, onyŋ jattyqtyruşylaryn jäne ūlttyq qūrama müşelerın laiyqty jeŋısımen qūttyqtaimyz!
Bas prokuraturanyŋ baspasöz qyzmetı