Oquşylar dene şynyqtyru normativterın oryndap, ärtürlı qaşyqtyqqa jügıru jattyǧularyn jasady, avtomatty bölşekteu jäne jinaqtau daǧdylaryn meŋgerdı, sondai-aq dalalyq daiyndyq elementterın pysyqtady.
Qatysuşylardyŋ tūruy mektepter bazasynda ūiymdastyrylyp, qolaily jaǧdailar men tört mezgıl tamaqtanu qamtamasyz etıldı. Densaulyq saqtau mäselelerıne erekşe köŋıl bölınıp, medisinalyq qyzmetkerler ünemı baqylau jürgızıp, qajettı jaǧdailarda jedel kömek körsettı.
Jalpy Aqtöbe oblysy boiynşa jiyndarǧa 3800-den astam oquşy qatysty, olardyŋ 1986-sy — Aqtöbe qalasynyŋ oquşylary, 1814-ı — audan mektepterınıŋ oquşylary.
Bügın №77 jalpy bılım beretın orta mektep bazasynda saltanatty jabylu räsımı öttı.
Aqtöbe oblysy bılım basqarmasy basşysynyŋ orynbasary Ashat Izbasar osyndai ıs-şaralardy ötkızudıŋ maŋyzdylyǧyn atap öttı:
«Oqu-dalalyq jiyndardy ötkızu – jas ūrpaqty äskeri-patriottyq tärbieleudıŋ maŋyzdy qūramdas bölıgı bolyp tabylady. Ata-analarǧa oquşylardyŋ qatysuyn qoldap, ūiymdastyruǧa körsetken kömegı üşın alǧys bıldıremız. Būl jiyn barysynda alynǧan bılım men daǧdylar jas buynnyŋ jauapty ärı eljandy azamat bolyp qalyptasuyna berık negız bolady dep senemız».
Is-şara barysynda belsendılık, tärtıp jäne ūiymşyldyq tanytqan oquşylardy marapattau räsımı öttı. Oquşylarǧa gramotalardy Aqtöbe oblysy qorǧanys ısterı departamentı ştabynyŋ bastyǧy Alibek Köşerbaev tabystady.
Is-şara aiasynda muzykalyq nömırler ūsynylyp, saptyq jürıspen saltanatty marş ūiymdastyryldy jäne saptyq än oryndaldy, sondai-aq oqu-jattyǧu jattyǧulary körsetıldı.