Is-şaraǧa Qazaqstan Respublikasynyŋ Mädeniet jäne aqparat ministrı Aida Balaeva, öŋırlık jäne respublikalyq qoǧamdyq keŋesterdıŋ müşelerı, sarapşylar, halyqaralyq serıktester men azamattyq sektor ökılderı qatysty.
Öz sözınde ministr qoǧamdyq instituttardyŋ tūraqty damyp, olardyŋ rölınıŋ artyp kele jatqanyn atap öttı.
«Qoǧamdyq keŋesterdıŋ tiımdı jūmysy köbıne sızderdıŋ belsendı ūstanymdaryŋyz ben bastamaşyldyqtaryŋyzǧa bailanysty. Būl alaŋda sızder, Ūlttyq qūryltai müşelerı siiaqty, jergılıktı deŋgeide köterılgen özektı mäseleler men ūsynystardy talqylauǧa bastamaşy bola alasyzdar. Būl azamattardyŋ pıkırın respublikalyq deŋgeige jetkızudıŋ tiımdı joly», – dedı Aida Balaeva.
Ministr halyqpen kerı bailanysty nyǧaitu jäne qoǧamdyq keŋester institutyn zamanaui ürdısterge sai jetıldıru qajettıgın aitty. Osy maqsatta ol keŋesterdıŋ jūmysynda sifrlyq tehnologiialar men jasandy intellekt mümkındıkterın keŋınen qoldanudy ūsyndy. Sonymen qatar, Aida Balaeva qoǧamdyq keŋesterdıŋ parlamenttık reformalarǧa belsendı qatysuynyŋ maŋyzdylyǧyn erekşe atap öttı.
«Prezident atap ötkendei, būl mäsele qoǧamnyŋ keŋınen qatysuyn, halyq pıkırın jan-jaqty taldau men zerdeleudı qajet etedı. Sondyqtan qoǧamdyq keŋesterdıŋ Konstitusiia baptaryna tolyqtyrular men özgerıster engızu jönındegı ūsynystardy äzırleu prosesıne tıkelei aralasuy maŋyzdy dep sanaimyn», – dedı ministr.
Aida Balaeva qoǧamdyq keŋesterdıŋ jūmys tiımdılıgın arttyru jäne qoǧamdyq baqylaudy küşeitu maqsatynda keŋesterdıŋ halyq aldynda aşyq esep beru täjıribesın engızudı ūsyndy. Onyŋ aituynşa, «Qoǧamdyq keŋester turaly» Zaŋda bekıtılgen aşyqtyq pen aiqyndyq qaǧidattary tek qaǧaz jüzınde emes, ıs jüzınde jüzege asuy tiıs.
Aida Balaeva qoǧamdyq baqylaudyŋ tek jekelegen mäselelermen şektelmeuıne de nazar audaru qajetın atap öttı. Onyŋ pıkırınşe, būl baǧyt Prezidenttıŋ bastamalary men ūlttyq jobalarynyŋ («Zaŋ jäne tärtıp», «Taza Qazaqstan», «Adal azamat» jäne t.b.) ıske asyryluyn jüielı türde monitoringteu men ılgerıletuge baǧyttaluy tiıs. Būl jūmysqa qoǧam ökılderın keŋınen tartu qajet.
Bügınde Qazaqstanda 263 qoǧamdyq keŋes qūramynda 4000-nan astam belsendı azamat eŋbek etude. Soŋǧy üş jylda olar azamattardyŋ qūqyqtary men bostandyqtaryna qatysty 9000-nan astam normativtık-qūqyqtyq aktıler jobasyn qarastyrǧan. Sondai-aq, 2100 memlekettık organ basşysynyŋ esepterı tyŋdalyp, 820 qoǧamdyq tyŋdau ūiymdastyrylǧan. Būdan bölek, äleumettık qorǧau, jer qatynastary, densaulyq saqtau jäne basqa da mäseleler boiynşa 2000-nan astam azamattyŋ ötınışterı qaralǧan.
Mädeniet jäne aqparat ministrlıgı