كومىردى قولدانىستاعى زاڭناماعا سايكەس، ساۋداگەر ساۋدا بيرجالارى ارقىلى باسەكەلەستىكتى دامىتۋعا، دەلدالدارسىز، ونىڭ ءادىل باعاسىن قالىپتاستىرۋعا ىقپال جاساۋعا ءتيىس بولاتىن. سونىمەن قاتار، «Modern Trading Solutions» تاۋار بيرجاسىنىڭ باسشىلىعى 23 بروكەرلىك كومپانيانى تۋىستارى مەن سەنىمدى تۇلعالارىنىڭ اتىنا تىركەپ، وزدەرىنىڭ جۇمىسىن كومىر ساۋداسىنا تەك ۇدايى اقشالاي سىياقى بەرەتىن ادامداردى جىبەرەتىندەي ەتىپ ۇيىمداستىرعان.
كەرى جاعدايدا، اككرەديتاتسيا مەرزىمىن سوزىپ، كەلىسىمشارتقا قول قويماۋ، ساۋداعا قولجەتىمدىلىگىن شەكتەۋ جانە ولاردىڭ ناتيجەلەرىن جويۋ ارقىلى كاسىپكەرلەرگە ساۋداعا قاتىسۋىنا جول بەرمەگەن.
اتالمىش جاعداي اسىرەسە جىلىتۋ ماۋسىمى الدىندا كوپتەگەن ارىز-شاعىمدار مەن الەۋمەتتىك شيەلەنىسكە اكەلىپ سوقتىرعان.
قىلمىستىق توپتىڭ جىل سايىنعى كىرىسى 2 ميلليارد تەڭگەدەن اسقان. ونى وزدەرىنە قاراستى كومپانيالار ارقىلى قولما-قول اقشاعا اينالدىرىپ وتىرعان.
ساۋدا بيرجاسىنىڭ 3 باسشىسىنا قاماۋعا الۋ تۇرىندەگى بۇلتارتپاۋ شاراسى تاڭدالدى، ال تاعى بىرەۋىنە وسىنداي شارامەن قاتار ىزدەۋ جاريالاندى.
قر قىلمىستىق پروتسەستىك كودەكسىنىڭ 201-بابىنا سايكەس باسقا اقپارات جاريا ەتۋگە جاتپايدى.
اگەنتتىك الەۋمەتتىك ماڭىزدى تاۋارلارعا باعا قالىپتاستىرۋدى باقىلاۋدى جالعاستىرۋدا. بيرجالىق مامىلەلەردە ءادىل جاعدايلاردى قالپىنا كەلتىرۋدە جانە تۇتىنۋشىلاردىڭ مۇددەلەرىن قورعاۋدا جۇمىس ىستەۋدە.
ەگەر سىزگە ەكونوميكالىق قۇقىق بۇزۋشىلىق جاساۋ فاكتىلەرى بەلگىلى بولسا، بۇل تۋرالى "افم Insider"تەلەگرام بوتىنا حابارلاۋىڭىزدى سۇرايمىز.
انونيمدىلىككە كەپىلدىك بەرىلەدى.