بۇگىن «ونەر ورتالىعىندا» وبلىس اكىمى نۇرلىبەك نالىباەۆتىڭ توراعالىعىمەن، قر وقۋ-اعارتۋ ءمينيسترى جۇلدىز سۇلەيمەنوۆا، قر پارلامەنتى سەناتى مەن ءماجىلىسىنىڭ دەپۋتاتتارى ناۋرىزباي بايقاداموۆ، رۋسلان رۇستەموۆ، مۇرات ابەنوۆ، مارحابات جايىمبەتوۆ، مۇرات ەرگەشباەۆ، قۇقىق قورعاۋ ورگاندارى، اۋماقتىق دەپارتامەنت، باسقارما باسشىلارىنىڭ، زيالى قاۋىم، اتا-انالار كوميتەتى وكىلدەرىنىڭ، مەكتەپ ديرەكتورلارى، تاربيە ءىسى جونىندەگى ورىنباسارلارى، سالا ماماندارىنىڭ قاتىسۋىمەن «ۇرپاق تاربيەسى – ۇلت بولاشاعى» اتتى كەڭەيتىلگەن ءماجىلىس ءوتتى.
ايماق باسشىسى ءبىلىم سالاسىندا اتقارىلعان جۇمىستارعا، ۇرپاق تاربيەسىندەگى اۋقىمدى مىندەتتەرگە توقتالدى.
«پرەزيدەنتىمىز قاسىم-جومارت كەمەلۇلى: «ءتارتىپ جالپىعا ورتاق قۇندىلىققا، ال زاڭعا باعىنۋ اركىمنىڭ ءومىر سالتىنا اينالۋى ءتيىس. ول ءۇشىن وسكەلەڭ ۇرپاقتىڭ بويىنا وسى باستان جاسامپازدىق قاسيەتتەردى ءسىڭىرىپ، ولاردى تارتىپكە باۋلۋ قاجەت»، – دەپ، بالالارعا تەرەڭ ءارى تاعىلىمدى تاربيە بەرۋدىڭ ماڭىزدىلىعىن اتاپ ءوتتى.
بۇل تۇرعىدا قوعامدا «زاڭ مەن ءتارتىپ»قاعيداتىن ورنىقتىرۋ، بالالاردىڭ مۇددەسىن، قۇقىعى مەن بوستاندىعىن قورعاۋ – بارشامىزدىڭ مىندەتىمىز. ءسات سايىن وزگەرىپ، كوز ىلەسپەس جىلدامدىقپەن دامۋعا بەت العان بۇگىنگىدەي داۋىردە رۋحاني قۇندىلىقتار مەن ۇلتتىق تاربيەوزەگىنەن اجىراپ قالماۋ كەرەك. بۇل – ماڭىزدى ماسەلە!
ءبىزدىڭ ەڭ ءبىرىنشى مىندەتىمىز – بالالارىمىزدىڭ جان-جاقتى، ساپالى ءبىلىم جانە سانالى تاربيەالۋىنا قولايلى جاعداي جاساپ، جايلى ورتاقالىپتاستىرۋ.
ايماعىمىزدىڭ ءبىلىم بەرۋ سالاسىنا 2022-2025 جىلدارى 1 ترلن. 159 ملرد. تەڭگە ءبولىندى. 2022 جىلدان بەرى 42 زاماناۋي ءبىلىم بەرۋ نىسانىسالىنىپ، پايدالانۋعا بەرىلدى. «كەلەشەك مەكتەپتەرى» ۇلتتىق جوباسى جوباسى اياسىندا 10جاڭا مەكتەپ سالىنىپ، ەل يگىلىگىنە تابىستالدى.2023 جىلدان بەرى 9 مەكتەپ جانىنان قوسىمشا عيمارات بوي كوتەرىپ، ءۇش اۋىسىمدىق مەكتەپتەر ماسەلەسى تۇبەگەيلى شەشىمىن تاپتى»، – دەدى نۇرلىبەك نالىباەۆ.
جيىندا جۇلدىز دوسبەرگەنقىزى، ناۋرىزباي سەيتقاليۇلى، مۇرات ابدۋلاميتۇلى، وبلىس پروكۋرورى ريزابەك كارىمۇلى، وبلىس اكىمىنىڭ ورىنباسارى مەيرامبەك زينابدينۇلى، وبلىس پروكۋرورىنىڭ ورىنباسارى نۇربولات سەرىكۇلى، اتا-انالار كوميتەتىنىڭ مۇشەسى، ايتىسكەر اقىن، وبلىستىق ءماسليحات دەپۋتاتى مۇحتار ماۋلەنۇلى وي-پىكىرلەرىن ءبولىستى.
ماجىلىستە كوتەرىلگەن ماسەلەلەر بويىنشا جاۋاپتى سالا باسشىلارىنا بىرقاتار تاپسىرما جۇكتەلدى. ايماق باسشىسى مەكتەپىشىلىك جانە پوليتسيا ورگاندارىنىڭ ەسەبىندەگى وقۋشىلاردى ۇيىرمەلەرگە تارتۋ، ولاردىڭ جازعى دەمالىسىنتيىمدى ۇيىمداستىرۋدى تاپسىردى. ەرەكشە باقىلاۋدى قاجەت ەتەتىن، ءتۇرلى ساناتتاعى وتباسىلاردان شىققان بالالاردى شىعارماشىلىق جانە سپورتتىق سەكتسيالارعا قاتىستىرۋ جۇمىسىن جالعاستىرۋ كەرەك.
جاسوسپىرىمدەر مەن جاستار اراسىنداعى قۇقىقبۇزۋشىلىقتىڭ، كيبەربۋللينگتىڭ جانە زاڭسىز ويىننىڭ الدىن الۋدى كۇشەيتۋ قاجەت. ۋچاسكەلىك پوليتسيا ينسپەكتورلارىنا ەسەپتە تۇرعان جاسوسپىرىمدەردى قاتاڭ باقىلاۋدا ۇستاۋ جۇكتەلدى.
ۆەيپ ونىمدەرىن پايدالانۋعا جانە ساتۋعا تولىق تىيىم سالۋ وتە ماڭىزدى. زاڭعا قايشى ارەكەتتەردىڭ الدىن الۋ ءۇشىن مەكتەپتەردەگىكەلەڭسىز جاعدايلارعا دەر كەزىندە نازار اۋدارىپ، ءتارتىپ بۇزۋشىلىقتىڭ الدىن الۋعا ۋاقىتىلى ءمان بەرۋ قاجەتتىگى اتاپ ءوتىلدى.
@قىزىلوردا وبلىسى اكىمىنىڭ ءباسپاسوز قىزمەتى