جەر ۇيلەردىڭ جانىنان ءوتىپ بارا جاتقان اسكەري قىزمەتشى اۋلاداعى نىسانداردىڭ ءبىرى جانىپ جاتقانىن جانە سول جەردەن ۇرەيلى ەر ادامدى كورەدى. كۇيزەلىس كۇيىندە تۇرعان ازامات جانىپ جاتقان نىسان ىشىندە ايەلى بولۋى مۇمكىن ەكەنىن ايتادى. ورال ءبىر سەكۋند تا ۋاقىت جوعالتپاي، بىردەن تۇتىنگە ورانعان ۇيگە كىرىپ كەتەدى. الايدا ءۇي-جاي ىشىنەن ادام تاپپاي، سىرتقا شىعىپ الگى ازاماتقا ايەلىنە قوڭىراۋ شالۋدى بۇيىرادى. قۋانىشقا وراي، جۇبايى ۇيدەن تىس جەردە ەكەن.
دەگەنمەن، قاۋىپ مۇنىمەن اياقتالعان جوق. ءۇي يەسى سونداي-اش ىشتە گاز باللونى بار ەكەنىن حابارلايدى. جاعدايدىڭ اۋىرلىعىن تۇسىنگەن كىشى سەرجانت ىشتەي قاۋىپتەنسە دە، جانىپ جاتقان نىسانعا قايتا كىرىپ، باللوندى جىلدام الىپ شىعادى. ءوزىنىڭ تاباندىلىعى مەن شاپشاڭدىعىنىڭ ارقاسىندا ول جارىلىس پەن ودان كەلەر اۋىر سالداردىڭ الدىن الدى.
— مەنىڭ ورنىمدا كەز كەلگەن ەر ازامات قولدان كەلگەنشە وسىلاي كومەكتەسەر ەدى دەپ ويلايمىن، - دەيدى سەرىكجان نىق سەنىممەن.
سەرىكجان ورال — ءتورت ۇلدىڭ اكەسى. ول بالالارىنىڭ اكە ىزىمەن، وتان قورعاۋشى بولعاندارىن ارماندايدى.
— ۇلدارىمنىڭ مەنى ماقتان تۇتقانىن جانە ەل قورعاۋ ءىسىن تاڭداپ، جولىمدى جالعاعانىن قالايمىن. سەبەبى، بۇل جاي عانا ماماندىق ەمەس — بۇل ەلجاندىلىق قاسيەت!", - دەيدى بەيبىت كۇننىڭ باتىرى.
ءدال وسىنداي ادامدار كۇن سايىن، اسكەري قىزمەتتىڭ — حالىققا رياسىز قىزمەت ەتۋ جانە كەز-كەلگەن ساتتە كومەككە كەلۋگە دايىن بولۋ ەكەنىن كورسەتۋدە. ورالدىڭ ارەكەتى —باتىلدىق پەن شىنايى ازاماتتىق جاۋاپكەرشىلىكتىڭ جارقىن دالەلى.
ءىىم ۇلتتىق ۇلانىنىڭ ءباسپاسوز قىزمەتى