ۇلتتىق كينونى قولداۋ مەملەكەتتىك ورتالىعى 22-24 مامىر ارالىعىندا الماتى قالاسىندا كونكۋرستىق ىرىكتەۋدىڭ ەكى كەزەڭىنەن ءساتتى وتكەن كينوجوبالاردىڭ پيتچينگىن وتكىزدى. اشىق قورعاۋ فورماتىندا ۇيىمداستىرىلعان پيتچينگتە ساراپتاما كەڭەسى 95 جوبانى جان-جاقتى تالدادى.
تالقىلاۋ سوڭىندا ساراپتاما كەڭەسى داۋىس بەرىپ، ناتيجەسىندە ۇلتتىق فيلم مارتەبەسىنە ءۇمىتتى 34 كينوجوبا وڭ قورىتىندى الدى. ءارى قاراي جوبالار ۆەدومستۆوارالىق كوميسسيانىڭ قاراۋىنا جولداناتىن بولادى. جوبالار ءتىزىمى سىلتەمە ارقىلى قولجەتىمدى.
بيىل بايقاۋعا قىزىعۋشىلىقتىڭ جوعارى بولعانىن اتاپ وتكەن ءجون. كونكۋرسقا بارلىعى 323 ءوتىنىم ءتۇستى، ولاردىڭ ىشىندە كوركەم، دەرەكتى جانە انيماتسيالىق فيلمدەر سەكتسياسى قامتىلدى. ساراپتاما كەڭەسىنىڭ قاراۋىنا 277 جوبا جولداندى. باعالاۋ ناتيجەسىندە 107 ستسەناري مەن ستسەناريلىك جوسپار ەكىنشى كەزەڭگە ءوتتى. بۇل كەزەڭدە قاتىسۋشىلار تولىق قۇجاتتار پاكەتىن ۇسىندى. قورىتىندىسىندا 95 جوبا پيتچينگكە جولداما العان بولاتىن.