قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى نۇرلىبەك نالىباەۆ نەگىزگى ينۆەستيتسيالىق جوبالاردى جۇزەگە اسىرۋ ماسەلەلەرى بويىنشا كەڭەس وتكىزدى. كەڭەس بارىسىندا «ايدارلى» جوباسىن، جەتىسۋ وبلىسىنىڭ كەربۇلاق اۋدانىندا تاۋ-كەن بايىتۋ كومبيناتىن سالۋ، كوكساي كەن ورنىن يگەرۋ جونىندەگى ينۆەستيتسيالىق جوبانى، «نوۆودجامبۋلسكي فوسفورنىي زاۆود» جشس، «قازفوسفات» جشس جوبالارىن، كۋرچاتوۆ قالاسىندا قۋاتى 700 مۆت كوندەنساتسيالىق ەلەكتر ستانساسىن، جەزقازعان جەو-دا قۋاتى 75 مۆت بۋ-گاز قوندىرعىسىن سالۋ ماسەلەلەرى قارالدى.
نۇرلىبەك نالىباەۆ وڭىرلەر مەن ونەركاسىپتى دامىتۋعا باعىتتالعان جوبالاردى تابىستى جۇزەگە اسىرۋ ءۇشىن ۇكىمەت تاراپىنان جان-جاقتى قولداۋ كورسەتۋ جالعاساتىنىن راستادى.
جيىن بارىسىندا جوبالاردى جۇزەگە اسىرۋعا اسەر ەتەتىن ماسەلەلەردى ۋاقتىلى شەشۋ ءۇشىن مەملەكەتتىك ورگاندار مەن كومپانيالاردىڭ ۇيلەستىرىلگەن جۇمىسىن قامتاماسىز ەتۋ قاجەتتىلىگى اتاپ ءوتىلدى.
كەڭەس قورىتىندىسى بويىنشا مۇددەلى مەملەكەتتىك ورگاندار مەن ۇيىمدارعا قارالعان ينۆەستيتسيالىق جوبالار جونىندەگى باستامالاردى پىسىقتاۋ بويىنشا بىرقاتار تاپسىرمالار بەرىلدى.
ۇكىمەتتىڭ ءباسپاسوز قىزمەتى