قر پرەمەر-ءمينيسترىنىڭ ءبىرىنشى ورىنباسارى نۇرلىبەك نالىباەۆ ۇكىمەت باسشىسىنىڭ تاپسىرماسىمەن قىزىلوردا وبلىسىنا جۇمىس ساپارىمەن كەلىپ، وبلىس اكىمى مۇرات ەرگەشباەۆپەن بىرگە الەۋمەتتىك، ينفراقۇرىلىمدىق نىسانداردىڭ قۇرىلىس بارىسىمەن تانىستى.
بۇگىندە قالادا بىرنەشە مەديتسينالىق مەكەمەنىڭ جاڭا عيماراتى سالىنىپ جاتىر. سونىڭ ءبىرى – ونكولوگيالىق بولىمشەسى بار 300 توسەكتىك كوپبەيىندى اۋرۋحانا. اۋىسىمىنا 100 كەلۋشىگە ارنالعان ەمحاناسى بار مەديتسينالىق كەشەنقۇرىلىسىنا رەسپۋبليكالىق بيۋدجەتتەن، جۇمىستى اياقتاۋ ءۇشىن ينفراقۇرىلىمدىق دامۋ قورىنان قارجى بولىنگەن. عيماراتتىڭ جالپى اۋدانى 48 مىڭ شارشى مەترگە جۋىق. ون بلوكتان تۇرادى:قابىلداۋ، رەانيماتسيا، حيميوتەراپيا، وپەراتسيالىق جانە راديولوگيا بولىمدەرىمەن قاتار، ەمحانا، پانسيونات، فيزيوتەراپيا جانە باسقا دا بولىمشەلەر ورنالاسادى.
قازىر ءىشى ارلەنىپ، ينجەنەرلىك جەلىلەرى تارتىلىپ، اباتتاندىرۋ جانە كوگالداندىرۋ جۇمىستارى اتقارىلۋدا. قۇرىلىستىڭ 85 پايىزى بىتكەن.
پرەمەر-ءمينيستردىڭ ءبىرىنشى ورىنباسارى 400 كەلۋشىگە ارنالعان №5 ەمحانانىڭ قۇرىلىسىن دا كورىپ شىقتى. جالپى اۋدانى 8 937 شارشى مەتر بولاتىن مەديتسينالىق نىساندى سالۋعا 9,8 ملرد تەڭگە بولىنگەن. قازىر جۇمىستىڭ 65 پايىزى ورىندالعان. ىشكى ارلەۋ، تەرەزە ورناتۋ جانە ينجەنەرلىك جەلىلەر تارتۋ جۇمىستارى قارقىن العان. جەلتوقساننىڭ 25-ىنە دەيىن مەديتسينالىق جابدىقتار جەتكىزىلىپ ورناتىلادى دا، جىل سوڭىنداپايدالانۋعا بەرىلەدى.
200 توسەكتىك پەريناتالدىق ورتالىقتىڭ قۇرىلىس الاڭى قورشالىپ، جەر قازۋ، ىرگەتاس قۇيۋ جانە ارماتۋرا توقۋ جۇمىستارى جۇرگىزىلۋدە. جوباعا 52,8 ملرد تەڭگە بولىنگەن، ءۇش قاباتتى، 39,1 مىڭ شارشى مەتر عيمارات 10 بلوكتان تۇرادى. زەرتحانالىق جانە تاماقتانۋ بولىمدەرى دە قاراستىرىلعان. نىساندى 2028 جىلعى ناۋرىزدا پايدالانۋعا بەرۋ جوسپارلانعان.
بۇگىندە «قىزىلوردا ارەنا» سپورت كەشەنىندە جۇمىستىڭ 90 پايىزى ورىندالعان. كەشەن 2 552 كورەرمەنگە ارنالعان، 3-4 قاباتتى بلوكتاردان تۇرادى. مۇندا وليمپيادالىق ستاندارتتارعا ساي باسسەين، فۋتزال، باسكەتبول جانە ۆولەيبول الاڭدارى، سونداي-اق 300 ورىندىق كونفەرەنتس-زال بار. وسى كەزدە ىشكى ارلەۋ، ديزاينەرلىك بەزەندىرۋ، قاسبەتىن قاپتاۋ، اۋماقتى اباتتاندىرۋ جانە كوگالداندىرۋ جۇمىستارى جۇرگىزىلۋدە.
سىرداريا وزەنى ارقىلى وتەتىن جاياۋ جۇرگىنشىلەر كوپىرىن «Alem Qurylys AQ» سەرىكتەستىگى قولعا العان. قۇرىلىسقا 12,9 ملرد تەڭگە قاراستىرىلعان. ۇزىندىعى 319,4 مەتر، ەنى ءار ۋچاسكەدە 6 مەتردەن 12 مەترگە دەيىن جەتەدى. جاياۋ جۇرگىنشىلەرگە دە، ۆەلوسيپەدشىلەرگە دە قولايلى جاعداي جاسالادى.
@قىزىلوردا وبلىسى اكىمىنىڭ ءباسپاسوز قىزمەتى