پرەمەر-مينيسترگە سوكولوۆ-سارىباي تاۋ-كەن بايىتۋ وندىرىستىك بىرلەستىگىنىڭ اعىمداعى ناتيجەلەرى جانە ERG كومپانياسىن ودان ءارى دامىتۋ جوسپارى تۋرالى باياندالدى. بۇگىنگى تاڭدا «سسكوب» اق – قازاقستاننىڭ تاۋ-كەن ونەركاسىبىندەگى تەمىر كەنى الىبى سانالادى. كاسىپورىننىڭ وندىرىستىك قۋاتى جىلىنا 35 ملن توننا كەن، 9 ملن توننا كونتسەنترات جانە 8 ملن توننا تۇيىرشىككە جەتەدى. ىشكى نارىقتان باسقا، ءونىم رەسەي مەن قىتايعا ەكسپورتقا شىعارىلادى، بيىلعى 11 ايدا 371 ملرد تەڭگەدەن استام سوماعا 9 ملن توننادان استام تاۋار ءونىمى جونەلتىلدى.
مۇندا پرەمەر-مينيسترگە قازاقستانداعى ERG باس ديرەكتورى سەرىك شاحاجانوۆ مەتالداندىرۋ دارەجەسى 90%-دان اساتىن ىستىق بريكەتتەلگەن تەمىر (ىبت) وندىرۋگە باعىتتالعان زاۋىت سالۋ جونىندەگى جوبانى تانىستىردى. كاسىپورىننىڭ جوبالىق قۋاتى جىلىنا 2 ملن توننا ىبت-نى قۇرايدى. ينۆەستيتسيا كولەمى 500 ملرد تەڭگەدەن اسادى، 1,1 مىڭ جۇمىس ورنى اشىلادى. جوبانى 2028 جىلدىڭ سوڭىنا دەيىن ىسكە اسىرۋ جوسپارلانىپ وتىر.
وڭىردە تولىق تسيكلدى مەتاللۋرگيالىق كلاستەر كەزەڭ-كەزەڭىمەن قالىپتاسۋدا. پرەمەر-مينيستر ىستىق بريكەتتەلگەن تەمىر زاۋىتىن سالۋ جوباسى ونەركاسىپتى نىعايتۋعا جانە مەملەكەتتىڭ باسەكەگە قابىلەتتىلىگىن ارتتىرۋ ءۇشىن ماڭىزدى قادام بولاتىنىن اتاپ ءوتتى. بۇگىنگى تاڭدا اقتوبە وبلىسىنىڭ اۋماعىنان قوستاناي قالاسىنا دەيىن ماگيسترالدى گاز قۇبىرىن سالۋ جونىندەگى ءىرى ينفراقۇرىلىمدىق جوبا ماقۇلداندى، بۇل زاۋىتتى قاجەتتى گاز كولەمىمەن قامتاماسىز ەتۋگە مۇمكىندىك بەرەدى. ەنەرگەتيكا مينيسترلىگىنە وبلىس اكىمدىگىمەن بىرلەسىپ زاۋىت قۇرىلىسىنا جاردەمدەسۋ جونىندە تاپسىرما بەرىلدى.
سونىمەن قاتار ولجاس بەكتەنوۆ سسكوب قۇرامىنا كىرەتىن رۋدنىي جەو-سىندا بولدى. كاسىپورىن ديرەكتورى ۆاسيلي نوۆوسەلوۆ ەلەكتر ستانساسىندا جۇرگىزىلىپ جاتقان جۇمىستار مەن جاڭعىرتىلۋى تۋرالى باياندادى. سونىمەن، كۇزگى-قىسقى كەزەڭگە دايىندىق بارىسىندا نەگىزگى جانە قوسالقى جابدىقتار جوندەلدى. قويمادا قاجەتتى وتىن مەن ماتەريالدار قورى قالىپتاستىرىلعان. قورشاعان ورتاعا اسەردى ازايتۋ ماقساتىندا ءتۇتىن قۇبىرلارىنان بولىنەتىن شىعىندىلاردى باقىلاۋدىڭ اۆتوماتتاندىرىلعان جۇيەسىنىڭ جوباسى ىسكە اسىرىلۋدا، بۇل تەحنولوگيالىق پروتسەستەگى كەز كەلگەن وزگەرىستەرگە تاۋلىك بويى جەدەلارەكەت ەتۋگە مۇمكىندىك بەرەدى.
مۇندا پرەمەر-مينيسترگە وڭىردەگى جىلىتۋ ماۋسىمىنىڭ بارىسى تۋرالى باياندالدى. وبلىس اكىمىنىڭ ورىنباسارى بەرىك تانجارىقوۆ بىرىڭعاي ەلەكتر جۇيەسى شتاتتىق رەجيمدە جۇمىس ىستەپ تۇرعانى جەتكىزىلدى. جالپى وبلىستا بەلگىلەنگەن قۋاتى ساعاتىنا 100 گكال استام 3 قازاندىق جانە 4 جەو جۇمىس ىستەيدى. سوڭعى 3 جىلدا جابدىقتاردى جوندەۋدىڭ ارقاسىندا جىلۋمەن قامتۋ جەلىلەرىنىڭ توزۋى 57%-دان 45,7%-عا دەيىن تومەندەدى.
ولجاس بەكتەنوۆ ستراتەگيالىق ماڭىزعا يە ونەركاسىپتىك نىسانداردىڭ ۇزدىكسىز جۇمىس ىستەۋىن قامتاماسىز ەتەتىن كوممۋنالدىق ينفراقۇرىلىمدى ۋاقتىلى جاڭعىرتۋدىڭ ماڭىزدىلىعىن باسا ايتتى.