«مەملەكەت باسشىسىنىڭ جارلىعىمەن دارحان امانگەلدىۇلى ساتىبالدى قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ءبىرىنشى ورىنباسارى بولىپ تاعايىندالدى»، دەلىنگەن اقپاراتتا.
دارحان ساتىبالدى 1974 جىلى 26 ناۋرىزدا وڭتۇستىك قازاقستان وبلىسى سارىاعاش اۋدانىنىڭ اباي اۋىلىندا دۇنيەگە كەلگەن.
س.سەيفۋللين اتىنداعى اقمولا اۋىل شارۋاشىلىعى ينستيتۋتىنىڭ تۇلەگى (1996). 2003 جىلى قازاق گۋمانيتارلىق زاڭ ۋنيۆەرسيتەتىندە ءبىلىم العان. عىلىم كانديداتى.
1996-1999 جج. كوممەرتسيالىق ۇيىمنىڭ اعا ەكونوميسى، باس ەسەپشىسى;
2000-2002 جج. قازاقستان رەسپۋبليكاسى قارجى مينيسترلىگى قارجىلىق باقىلاۋ كوميتەتىنىڭ جەتەكشى باقىلاۋشىسى – رەۆيزورى;
2002-2004 جج. قازاقستان رەسپۋبليكاسى پرەزيدەنتى اكىمشىلىگىنىڭ ەكونوميكالىق تالداۋ جانە باقىلاۋ ءبولىمىنىڭ رەفەرەنتى، كونسۋلتانتى;
2004-2006 جىلدارى قازاقستان رەسپۋبليكاسى پرەزيدەنتى اكىمشىلىگىنىڭ بيۋدجەتتىك جوسپارلاۋ جانە قارجىلىق باقىلاۋ ءبولىمىنىڭ باس ساراپشىسى جانە سەكتور مەڭگەرۋشىسى;
2006 جىلعى شىلدەدەن جەلتوقسانعا دەيىن استانا قالاسى تۇرعىن ءۇي باسقارماسىنىڭ «جىلۋ» مكك ديرەكتورى;
2007-2008 جىلدارى قازاقستان رەسپۋبليكاسى ءبىلىم جانە عىلىم مينيسترلىگى بيۋدجەت دەپارتامەنتى ديرەكتورىنىڭ ورىنباسارى;
2008-2009 جج. ءبىلىم جانە عىلىم مينيسترلىگى قارجى دەپارتامەنتى ديرەكتورىنىڭ ورىنباسارى;
2009-2010 جج. ءبىلىم جانە عىلىم مينيسترلىگى عىلىم كوميتەتى توراعاسىنىڭ ورىنباسارى;
2010-2011 جج. قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ باسقارما باستىعى;
2011 جىلعى تامىزدا قازاقستان رەسپۋبليكاسى پرەمەر-ءمينيسترى كەڭسەسىنىڭ الەۋمەتتىك-ەكونوميكالىق ءبولىمى مەڭگەرۋشىسىنىڭ ورىنباسارى بولىپ تاعايىندالدى;
2013 ج. وڭتۇستىك قازاقستان وبلىسى شىمكەنت قالاسىنىڭ اكىمى.
2015 جىلعى 19 تامىزدان باستاپ وڭتۇستىك قازاقستان وبلىسى اكىمىنىڭ ورىنباسارى بولىپ تاعايىندالدى.
2018 جىلدىڭ قازان ايىندا قازاقستان رەسپۋبليكاسى پارلامەنتى سەناتىنىڭ دەپۋتاتى بولىپ سايلاندى.
2019 جىلدىڭ 18 ناۋرىزىندا قازاقستان رەسپۋبليكاسىنىڭ وزبەكستان رەسپۋبليكاسىنداعى توتەنشە جانە وكىلەتتى ەلشىسى بولىپ تاعايىندالدى.
2022 جىلعى 31 تامىزدا تۇركىستان وبلىسىنىڭ اكىمى بولىپ تاعايىندالدى. 2022 جىلدىڭ 1 جەلتوقسانىندا پرەزيدەنت جارلىعىمەن وسى لاۋازىمعا قايتا سايلاندى.
فوتو: gov.kz