ۇكىمەت باسشىسىنىڭ تاپسىرماسىنا سايكەس قالالىق جانە اۋداندىق پوليتسيا بولىنىستەرىندەگى كىشى جەدەل باسقارۋ ورتالىقتارىن قارجىلاندىرۋ جۇكتەلگەن بولاتىن.
وبلىس اكىمدىگى ءوڭىردىڭ 7 اۋداندىق پوليتسيا بولىمىندەگى جەدەل باسقارۋ ورتالىعىن قۇرۋعا قارجى ءبولدى. بۇل قارجىعا اقپاراتتاردى قابىلداۋ مەن تىركەۋدى اۆتوماتتاندىراتىن، قوعامدىق ورىنداردا ءتارتىپتى باقىلايتىن 77 بەينەكامەرا، جول قوزعالىسى ەرەجەلەرىن بۇزعانداردى اۆتوماتتى تۇردە انىقتايتىن 7 ستاتسيونارلىق جىلدامدىق ولشەگىش قۇرىلعى ساتىپ الىنعان، وعان قوسا «جبو 2.0» باعدارلاماسى دا قامتاماسىز ەتىلگەن.
اۋدانداعى جەدەل باسقارۋ ورتالىعىندا بەينەكامەرالار پيلوتتىق رەجيمدە جۇمىسىن باستادى. مەردىگەر مەكەمە ستاتسيونارلىق جىلدامدىق ولشەگىش قۇرىلعىلار مەن «جبو 2.0» باعدارلاماسىن ىسكە قوسۋ ءۇشىن تەكسەرۋ جۇرگىزۋدە.
اتالعان ورتالىقتىڭ باستى ماقساتى – تۇرعىنداردىڭ قاۋىپسىزدىگىن قامتاماسىز ەتۋ.
وسىنى اتاپ وتكەن ايماق باسشىسى تەكسەرۋدى تولىققاندى جۇرگىزۋدى تاپسىردى.