ءوز سوزىندە ج. كۋشۋكوۆا قازاقستاننىڭ وڭىرارالىق ىنتىماقتاستىققا ۇلكەن ءمان بەرەتىنىن، ونى تمد اياسىندا تۇراقتى دامۋدىڭ نەگىزگى تەتىكتەرىنىڭ ءبىرى رەتىندە قاراستىراتىنىن اتاپ ءوتتى. بۇل جاڭا پلاتفورما تمد ەلدەرى ايماقتارى ءۇشىن ساۋدا-ەكونوميكالىق ىنتىماقتاستىقتىڭ جاڭا مۇمكىندىكتەرىن اشادى.
فورۋمعا ءبىزدىڭ ەلدەن تۇركىستان، قىزىلوردا، شىعىس قازاقستان وبلىستارى اكىمدىكتەرىنىڭ، استانا قالاسى اكىمدىگىنىڭ، سونداي-اق 50-گە جۋىق قازاقستاندىق كومپانيانىڭ وكىلدەرى قاتىستى.
فورۋم اياسىندا تمد-عا مۇشە مەملەكەتتەردىڭ ەكونوميكالىق ىنتىماقتاستىعىن دامىتۋداعى وڭىرلەردىڭ ءرولى، وڭىرلەر اراسىنداعى حالىقارالىق بايلانىستاردى دامىتۋ، اتاپ ايتقاندا، ءبىلىم، مادەنيەت، تۋريزم جانە ت.ب. سالالارداعى وزەكتى ماسەلەلەر بويىنشا پانەلدىك سەسسيالار، سونداي-اق تمد-عا قاتىسۋشى مەملەكەتتەردىڭ پالاتالارى باسشىلارى كەڭەسىنىڭ كەزەكتەن تىس وتىرىسى ءوتتى. پانەلدىك وتىرىستاردا قازاقستان جاعىنان قر مادەنيەت جانە اقپارات ۆيتسە-ءمينيسترى ا.قۇرمانوۆا مەن قىزىلوردا وبلىسى اكىمىنىڭ ورىنباسارىا.زەبەشەۆ ءسوز سويلەدى.
سونىمەن قاتار، فورۋم اياسىندا قازاقستان ايماقتارىنىڭ وكىلدەرى مەن BMB حولدينگى، «Uztrade» اق جانە SQB ينۆەستيتسيالىقورتالىعىنىڭ وكىلدەرى اراسىندا كەزدەسۋلەر ءوتتى. كەزدەسۋلەر قورىتىندىسى بويىنشا قاتىسۋشىلار اۋىل شارۋاشىلىعى ونىمدەرىنىڭ ەكسپورتى مەن يمپورتى سالاسىنداعى ىنتىماقتاستىقتى ودان ءارى دامىتۋعا مۇددەلىلىك تانىتتى. اتاپ ايتقاندا، قازاقستاندىق تاراپ تاجىريبە الماسۋ جانە اۋىل شارۋاشىلىعى ونىمدەرىن تەرەڭ وڭدەۋ، كونسەرۆىلەۋ جانە تاعى باسقا بىرلەسكەن جۇمىستار جۇرگىزۋ ماقساتىندا جوبالار قۇرۋ مۇمكىندىگىنە قىزىعۋشىلىق تانىتتى.
شارا قورىتىندىسى بويىنشا اكىمدىكتەر ىنتىماقتاستىق تۋرالى 3 قۇجاتقا قول قويىپ، تمد ەلدەرىنىڭ ىسكەر توپتارى اراسىندا بايلانىس ورناتىلدى.
ساۋدا جانە ينتەگراتسيا مينيسترلىگى