بۇگىن قىزىلوردا وبلىسىنىڭ سىرداريا اۋدانىندا مەملەكەت باسشىسىنىڭ باستاماسىمەن جۇزەگە اسىرىلىپ جاتقان «تازا قازاقستان» رەسپۋبليكالىق ەكولوگيالىق باعدارلاماسى اياسىندا «تازا ولكە – تازا اۋلا» اتتى اۋقىمدى ەكولوگيالىق اكتسيا ءوتتى.
شارانىڭ باستى ماقساتى – قورشاعان ورتانى قورعاۋ مادەنيەتىن قالىپتاستىرۋ، ەلدى مەكەندەردىڭ سانيتارلىق تازالىعىن ساقتاۋ، تۇرعىنداردىڭ تابيعاتقا دەگەن جاناشىرلىعىن ارتتىرۋ جانە تۋعان جەرگە دەگەن جاۋاپكەرشىلىك سەزىمىن كۇشەيتۋ.
شاراعا تەرەڭوزەك كەنتىنىڭ اكىمى نۇرجان بيسەمباەۆ، اۋداندىق ارداگەرلەر كەڭەسىنىڭ توراعاسى مۇسا كەلدىباەۆ پەن اۋداندىق اجەلەر كەڭەسىنىڭ توراعاسى ۇلمەكەن جاناليەۆا، مەكەمە قىزمەتكەرلەرى، زيالى قاۋىم، ازاماتتىق قوعام وكىلدەرى، جاستار، ەرىكتىلەر جانە تۇرعىندار بەلسەنە قاتىستى.
كەنت اكىمى تازالىق مادەنيەتى مەن تۋعان جەرگە دەگەن قۇرمەتتىڭ كورىنىسى تاپقان وسىنداي يگى باستامالارعا تۇرعىنداردىڭ بەلسەندى قاتىسۋى اۋدانىمىزدىڭ كوركەيۋىنە ۇلكەن سەرپىن بەرەتىنىن اتاپ ءوتتى.
اكتسيا بارىسىندا اۋدان كولەمىندەگى بىرقاتار اۋماقتاردا سانيتارلىق تازالاۋ جۇمىستارى جۇرگىزىلىپ، كوشەلەر مەن قوعامدىق ورىندار قوقىستان تازارتىلدى. سونىمەن قاتار اعاش كوشەتتەرى وتىرعىزىلىپ، كوگالداندىرۋ جانە اباتتاندىرۋ جۇمىستارى جۇزەگە اسىرىلدى.
«تازا ولكە – تازا اۋلا» اكتسياسى – سىرداريا اۋدانىنداعى تازالىق پەن ءتارتىپتى ساقتاۋ باعىتىنداعى جۇيەلى جۇمىستاردىڭ جالعاسى.
وسىنداي يگى باستامالار تۇرعىنداردىڭ ەكولوگيالىق مادەنيەتىن ارتتىرىپ قانا قويماي، تۋعان جەرگە دەگەن سۇيىسپەنشىلىك پەن جاناشىرلىقتى نىعايتا تۇسەدى.