تۇزەتۋلەردى سۋ رەسۋرستارى جانە يرريگاتسيا مينيسترلىگى ازىرلەدى.
وزگەرىستەر سۋمەن جابدىقتاۋ جانە سۋ بۇرۋ قىزمەتتەرىن كورسەتەتىن 25 مىڭنان استام قىزمەتكەردىڭ جالاقىسىن ارتتىرۋعا مۇمكىندىك بەرەدى. وڭىرگە جانە ستاتيستيكالىق دەرەكتەرگە قاراي جالاقى ورتا ەسەپپەن 35–50%-عا ءوسىپ، جىلۋ جانە ەلەكتر ەنەرگەتيكاسى سالالارىنداعى مامانداردىڭ دەڭگەيىنە دەيىن جەتەدى. بۇل سۋ سالاسىنداعى كادر تۇراقسىزدىعىن ازايتىپ، جوعارى بىلىكتى مامانداردى تارتۋعا جول اشادى.
"تابيعي مونوپوليالار تۋرالى" زاڭعا ەنگىزىلگەن وزگەرىستەر بيىل 1 قىركۇيەكتەن باستاپ كۇشىنە ەنەدى.
«ستاتيستيكالىق مالىمەتتەرگە سايكەس، جىلۋ جانە ەلەكتر ەنەرگەتيكاسى سالاسىندا ورتاشا جالاقى – 330 مىڭ تەڭگە. ال سۋ شارۋاشىلىعى سالاسىندا – 231 مىڭ تەڭگە. ايتارلىقتاي ايىرماشىلىق بار. قابىلدانعان تۇزەتۋلەر ەلىمىزدىڭ دامۋى ءۇشىن اسا ماڭىزدى سۋ سالاسىنىڭ كادرلىق الەۋەتىن ارتتىرۋعا باعىتتالعان»، – دەدى سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ.
بىلتىر سۋ رەسۋرستارى جانە يرريگاتسيا مينيسترلىگى «قازسۋشار» رمك قىزمەتكەرلەرىنىڭ جالاقىسىن ورتا ەسەپپەن 25%-عا كوتەرگەنىن ەسكە سالا كەتەيىك