«جەر سەرىكتەرىن قۇرۋدا موڭعوليا جانە باسقا دا ەلدەر قاراستىرىلىپ وتىر. بۇل مەملەكەتتەردى ءدال قازىر جاريالاي المايمىن، سەبەبى كەلىسسوز پروتسەسى ءجۇرىپ جاتىر. ازىرگە بۇل جايىندا رەسمي جاريالاۋعا ەرتە، ياعني سپۋتنيك وندىرەتىن باسقا ەلدەر ءوز ۇسىنىستارىمەن كەدەرگى كەلتىرۋى ىقتيمال. سوندىقتان ۇلتتىق مۇددەنى ەسكەرە وتىرىپ، قۇجاتقا قول قويعاننان كەيىن ايتامىز. جالپى، كەم دەگەندە ەكى مەملەكەتپەن وسى باعىتتا ىنتىماقتاستىق ورناتىلادى»، - دەدى ج. ماديەۆ سەناتتىڭ جالپى وتىرىسىنان كەيىن تىلشىلەر سۇراعىنا جاۋاپ بەرە وتىرىپ.
بۇدان بۇرىن حابارلانعانداي، قازاقستان موڭعولياعا جەرسەرىك ەكسپورتتايدى.
قازاقستان پرەزيدەنتىنىڭ موڭعولياعا مەملەكەتتىك ساپارى اياسىندا جەردى قاشىقتىقتان زوندتاۋ جۇيەسىن قۇرۋ جانە دامىتۋعا باعىتتالعان تاريحي ينۆەستيتسيالىق كەلىسىمگە قول قويىلدى.