بۇل تۋرالى Ras.kz ءتىلشىسى Yonhap اقپارات اگەنتتىگىنە سىلتەمە جاساپ حابارلايدى.
«سولتۇستىك كورەيا تۇسكە تامان اسكەري دەماركاتسيا سىزىعىنىڭ سولتۇستىگىندەگى كيونگي جانە تونحە جولدارىنىڭ بولىكتەرىن جارىپ جىبەردى»، - دەپ كەلتىردى اگەنتتىك كورەيا رەسپۋبليكاسى بىرىككەن شتاب باستىقتارىنىڭ مالىمدەمەسىن.
اسكەريلەر جاعدايدى قاداعالاپ، باقىلاۋدى كۇشەيتكەنىن قوسىپ ءوتتى.
وڭتۇستىك كورەيا بيلىگى كحدر جولداردى جارۋعا دايىندالىپ جاتقانىن ءبىر كۇن بۇرىن حابارلادى.
پحەنيان بۇعان دەيىن وڭتۇستىككە اپاراتىن بارلىق اۆتوموبيل جولدارى مەن تەمىر جولداردى جاۋىپ تاستاۋعا نيەتتى ەكەنىن مالىمدەگەن.
سونداي-اق، سولتۇستىك كورەيا بيلىگى ەكى كورەيانى ءبولىپ تۇرعان بەلگىلەنگەن ايماق ماڭىندا تانككە قارسى توسقاۋىلدار سالۋ جانە شەكارانى نىعايتۋ ءۇشىن ءوز جاعىنداعى جول شامدارىن بۇزىپ، ولاردىڭ بويىنا مينالار قويعانى، سونداي-اق اسكەرلەردى ورنالاستىرعانى حابارلاندى.