بۇل ەاەو ەلدەرىندەگى سايكەستىكتى راستاۋ جونىندەگى ورگاندار ناقتى سىناق جۇرگىزبەي جانە بەلگىلەنگەن راسىمدەردى اينالىپ وتپەي بەرەتىن سەرتيفيكاتتار مەن دەكلاراتسيالارعا قاتىستى.
سايكەستىكتى باعالاۋ تۋرالى قۇجاتتار قاشىقتان جانە كوبىنەسە ناقتى زەرتحانالىق سىناقتارسىز رەسىمدەلەتىن، ازاماتتاردىڭ دەنساۋلىعىنا قاۋىپ توندىرەتىن، سونداي-اق ءونىمدى قازاقستان رەسپۋبليكاسىنىڭ اۋماعىنا بەس جىلعا دەيىنگى مەرزىمگە شەكتەۋسىز اكەلۋگە ىقپال ەتەتىن قالىپتاسقان جاعداي. وسىعان بايلانىستى باقىلاۋدى قاتاڭداتۋعا جانە انىقتالعان بۇزۋشىلىقتاردى جويۋعا باعىتتالعان جۇيەلى شارالار قابىلداندى.
"سۇر سحەمالاردىڭ" جولىن كەسۋ جونىندەگى ۇلتتىق اككرەديتتەۋ جانە باقىلاۋ جۇيەلەرىنە وزگەرىستەر ەنگىزىلدى. ماسەلەن، قىرعىز رەسپۋبليكاسىندا سايكەستىكتى راستاۋ جونىندەگى وكىلەتتىكتەر جەكە ۇيىمداردان "قىرعىزستاندارت"مەملەكەتتىك كاسىپورنىنا بەرىلدى. جۇرگىزىلگەن مونيتورينگ جۇيە رەفورمالانعاننان كەيىن قىرعىزستاننان ءونىم اكەلۋ كەزىندە ۇسىنىلعان قۇجاتتار سانى 185 367-دەن 88 164-كە ەكى ەسەگە دەيىن تومەندەدى. بۇل ءۇردىس بيىلعى كەزەڭدە دە ساقتالىپ وتىر.
ينتەرنەت جەلىسىندە جارامسىز قۇجاتتاردىڭ تارالۋىنا قارسى ءىس-قيمىل شەڭبەرىندە 2024 جىلدىڭ باسىنان باستاپ سەرتيفيكاتتاردى مەملەكەتتىك اككرەديتتەۋسىز ساتۋ بويىنشا ۇسىنىستار ورنالاستىرعان 76 ۆەب-رەسۋرس بۇعاتتالدى. سونداي اق ءىرى ساۋدا پلاتفورمالارىنا رەسمي حابارلامالار جىبەرىلدى. بۇل Satu.kz جانە OLX ءتيىستى جارنامالاردى جويۋ قاجەتتىلىگىنە قاتىستى. وسىنداي قۇجاتتار بويىنشا رەسىمدەلگەن يمپورتتى تالداۋ كورسەتكەندەي، ەڭ ۇلكەن ۇلەس رەسەيگە — 61%، قىرعىزستانعا — 32%، ارمەنياعا — 2,5% جانە بەلارۋسسياعا — 1,2% تيەسىلى.
اتالعان شارالارعا قوسىمشا زاڭناما تالاپتارىنا سايكەس كەلمەيتىن قۇجاتتاردىڭ كۇشىن جويۋ بويىنشا اۋقىمدى جۇمىس جۇرگىزىلدى. تالداۋ ناتيجەلەرى بويىنشا ەاەو ەلدەرىنىڭ ورگاندارى بەرگەن سايكەستىكتى باعالاۋ تۋرالى 1 042 قۇجات جارامسىز دەپ تانىلدى، ونىڭ ىشىندە 576 — 2023 جىلى، 435 — 2024 جىلى جانە 31 — بيىلعى جىلى. سونداي-اق، 105 اككرەديتتەۋ اتتەستاتىنىڭ كۇشى جويىلدى جانە توقتاتىلدى، ونىڭ ىشىندە تەحنيكالىق رەتتەۋ كوميتەتىنىڭ اۋماقتىق دەپارتامەنتتەرى-31 جانە ۇاو-74. 2024-2025 جىلدارى 4 977 كولىك قۇرالى تەكسەرىلدى، ونىڭ 122 — ءسى تەحنيكالىق رەگلامەنتتەردىڭ تالاپتارىنا سايكەس كەلمەدى، سونىڭ 98-ءى ەكولوگيالىق سيپاتتامالار بويىنشا.
كورسەتىلگەن ارەكەتتەر قازاقستان رەسپۋبليكاسىنىڭ تۇتىنۋشىلاردىڭ قاۋىپسىزدىگىن قامتاماسىز ەتۋگە، تەحنيكالىق رەتتەۋ جۇيەسىن جەتىلدىرۋگە جانە دايەكسىز قۇجاتتاردى پايدالانۋعا بايلانىستى تاۋەكەلدەردى جويۋعا بەيىمدەلگەنىن راستايدى. "سۇر سحەمالارمەن" كۇرەس ەاەو مەملەكەتتەرىنىڭ ۋاكىلەتتى ورگاندارىمەن تىعىز ءوزارا ءىس-قيمىلدا جوسپارلى جانە جۇيەلى تارتىپپەن جالعاسادى.