قىزىلورداداعى قولدانىستاعى ەسكى جىلۋ- ەلەكتر ورتالىعى 1964 جىلى پايدالانۋعا بەرىلگەن، ەكى قازاندىق پەن ءبىر تۋربوگەنەراتورى بولعان. ورتالىق 67 مەگاۆاتت ەلەكتر ەنەرگياسىن ءوندىرىپ،وبلىستىڭ تۇتىنۋ كولەمىنىڭ تەك 30 پايىزىن قامتىپ كەلدى.
مەملەكەت باسشىسىنىڭ تىكەلەي قولداۋىمەن وڭتۇستىك وڭىرلەردە ەلەكتر ەنەرگياسىنىڭ تاپشىلىعىن بولدىرماۋ ماقساتىندا قىزىلوردا قالاسىندا 240 مەگاۆاتت ەلەكتر ەنەرگياسى مەن 277 گيگاكالوريا جىلۋ ەنەرگياسىن وندىرەتىن جاڭا جىلۋ- ەلەكتر ورتالىعى قۇرىلىسى اياقتالىپ، ىسكە قوسىلدى.
«Aksa Energy» تۇرىك كومپانياسى قولعا العان جوباعا 215 ملرد تەڭگە ينۆەستيتسيا سالىنعان.
جوبا بويىنشا قۋاتىلىعى 176 مۆت 2 گاز تۋربينالىق قوندىرعى (General Electric, اقش), 95 مۆت بۋ تۋربيناسى (Doosan Skoda, چەحيا), قۋاتتىلىعى 120 تن/ساع 2 بۋ قازاندىعى (ACBOILERS, يتاليا), 150 گكال/ساع 4 جىلۋ قازاندىعى (Mimsan, تۇركيا) ورناتىلدى.
بۇگىندە جىلۋ ورتالىعىندا 176 مەگاۆاتت ەلەكتر ەنەرگياسى وندىرىلۋدە جانە 150 مۆتتىق 4 سۋ جىلىتۋ قازاندىعى قوسىلدى. قوسىمشا 95 مۆتتىق بۋ تۋربيناسى دا دايىن.
ستانتسيا قۇرىلىسى 2024 جىلى باستالىپ، ەكى جىل ىشىندە اياقتالدى.
ينۆەستيتسيالىق شارتقا سايكەس 2026 جىلدىڭ تامىز ايىندا ىسكە قوسۋ جوسپارلانعان بولاتىن. وبلىس اكىمدىگىنىڭ ۇيىمداستىرۋىمەن قۇرىلىس مەرزىمىنەن بۇرىن ءبىتتى. ورىندالعان جۇمىستاردىڭ ساپاسى دا ءتيىستى دەڭگەيدە ءارى بەكىتىلگەن كەستەدەن ەرتە. ورتالىق وبلىستى ەلەكتر ەنەرگياسىمەن تولىق قامتاماسىز ەتىپ، ءوندىرىستى دامىتۋعا سەرپىن بەرۋدە. جاڭا ستانتسيانىڭ قۋاتى 240 مەگاۆاتت،وبلىستىڭ ەلەكتر ەنەرگياسىن تۇتىنۋ كورسەتكىشى 220 مەگاۆاتت، ياعني اۋىسقانىن وزگە وڭىرلەرگە ساتۋعا مۇمكىندىك بار.
ستانتسيا جۇمىسىنا زاماناۋي تەحنولوگيالار ەنگىزىلگەن. ەسكى جىلۋ-ەلەكتر ورتالىعىنان ارتىقشىلىقتارىن اتاپ ايتساق:
- گاز تۇتىنۋ كورسەتكىشى 50 پايىزعا ۇنەمدى;
- ستانتسيا 20 مينۋت ىشىندە 50 مەگاۆاتتان 240 مەگاۆاتقا دەيىن جۇكتەمە وزگەرىستەرىنە تەز بەيىمدەلىپ، قۋاتتى جىلدام ارتتىرىپ نەمەسە ازايتا الادى. بۇل جالپى وڭتۇستىك وڭىرلەردىڭ
ەنەرگەتيكا جۇيەنىڭ تۇراقتىلىعىن ساقتاۋ ءۇشىن قاجەت.
- ەسكى جىلۋ- ەلەكتر ورتالىعىنىڭ ەڭ جوعارعى جەلىلىك تەمپەراتۋراسى تەك 950س بولسا، جاڭا ستانتسيادا 1300س دەيىن
ۇلعايتۋعا مۇمكىندىك بار.
- سۋ قىزدىرۋ قازاندىقتارىنىڭ پايدالى اسەر كوەففيتسيەنتى (كپد) 30 پايىزعا جوعارى، سەبەبى جىلۋ
جوعالتۋى از.
- جاڭا ستانتسيا اۆتونومدى جۇمىس ىستەي الادى، ياعني جوعارى قۋاتتى (ماگيسترالدىق) جەلىلەردە اقاۋ شىقسا نەمەسە كەرنەۋ كۇرت وزگەرسە ءوشىپ قالمايدى.