بۇگىن وبلىس اكىمى مۇرات ەرگەشباەۆتىڭ قاتىسۋىمەن سول جاعالاۋداعى ەكى كوپقاباتتى تۇرعىن ءۇيدىڭ 90 پاتەرى الەۋمەتتىك جاعىنان وسال توپتاعى وتباسىلارعا تابىستالدى.
سالتاناتتى شاراعا وبلىستىق ءماسليحات توراعاسى مۇرات تلەۋمبەتوۆ، زيالى قاۋىم وكىلدەرى مەن ەل اعالارى جانە قالا تۇرعىندارى قاتىستى.
ايماق باسشىسى جاڭا قونىس يەلەرىن قۇتتىقتاپ، ىزگى تىلەگىن جەتكىزدى.
«بارشاڭىزعا كوپتەن كۇتكەن جاڭا قونىس قۇتتى بولسىن! پرەزيدەنتىمىز قاسىم-جومارت كەمەلۇلى: «قولجەتىمدى باسپانا – ارمان ەمەس، ءبىزدىڭ ازاماتتارىمىزدىڭ الدىنداعى مىندەتىمىز»، - دەگەن بولاتىن.
بۇل باعىتتا سىر وڭىرىندە بايىپتى باستامالار ءساتتى جۇزەگە اسۋدا. تۇرعىنداردىڭ ءال-اۋقاتىن ارتتىرۋ ءۇشىن جايلى باسپانامەن، الەۋمەتتىك نىساندارمەن قامتۋ جۇيەلى جولعا قويىلعان. بۇگىن كەزەكتە تۇرعان جەرلەستەرىمىزگە اۋماعى 7 مىڭ شارشى مەتردەن اساتىن 90 پاتەردىڭ كىلتىن سالتاناتتى تۇردە تابىستاۋدامىز. الداعى ۋاقىتتا دا شاھاردىڭ اجارىن ايشىقتايتىن زاماناۋي ۇلگىدەگى تۇرعىن ۇيلەر بوي كوتەرەدى.
جاڭا قونىس قۇتتى، شاڭىراقتارىڭىز بيىك، بوساعاسى بەرىك بولسىن، ءىشى بەرەكە مەن مەرەكەگە تولسىن!
ءار وتاۋدان بۇلدىرشىندەردىڭ كۇلكىسى ەستىلىپ، تاتۋلىق سالتانات قۇرا بەرسىن!»، - دەدى مۇرات نالقوجاۇلى.
راسىمدە ەل اعاسى باقبەرگەن دوسمانبەتوۆ ءسوز سويلەپ، تۇرعىن ءۇيدى سالعان قۇرىلىسشىلار وبلىس اكىمىنىڭ العىس حاتىمەن ماراپاتتالدى. مەملەكەت باسشىسىنىڭ، ۇكىمەتتىڭ قولداۋىمەن سوڭعى ءتورت جىلدا تۇرعىن ءۇي كەزەگىندەگى ازاماتتارعا 8 مىڭعا جۋىق پاتەر بەرىلىپ، 30 مىڭنان استام جەرلەسىمىز باسپانالى بولدى.
2026-2027 جىلدارى 6200-دەن استام پاتەر تابىستالىپ، 25 مىڭعا جۋىق تۇرعىننىڭ باسپانا ماسەلەسىن شەشۋ جوسپارلانۋدا. بۇگىندە سول جاعالاۋدا بوي كوتەرگەن 169 نىساننىڭ 136-سى - كوپقاباتتى تۇرعىن ءۇي. جاڭا شاعىن اۋدان تۇرعىندارىنىڭ سانى 25 مىڭنان استى.
حالىققا جايلى ورتا قالىپتاستىرۋ ماقساتىندا 20 الەۋمەتتىك، 13 ءىرى بيزنەس نىسانى بوي تۇزەپ، ەل يگىلىگىنە قىزمەت ەتۋدە.
قازىرگى ۋاقىتتا تاعى 48 عيمارات سالىنىپ جاتىر. سونداي-اق ي.توقتىباەۆ كوشەسىنەن سول جاعالاۋعا وتەتىن ءتورت جولاقتى جاڭا كوپىر قۇرىلىسى جوسپارلانعان.
قىزىلوردا وبلىسى اكىمىنىڭ ءباسپاسوز قىزمەتى