وعان باسقارما جانە دەپارتامەنت باسشىلارى، بۇقارالىق اقپارات قۇرالدارىنىڭ وكىلدەرى قاتىستى.
وبلىس اكىمى جيىنعا قاتىسۋشىلاردى قازاقستان رەسپۋبليكاسىنىڭ جاڭا كونستيتۋتسياسىنىڭ زاڭدى كۇشىنە ەنۋىمەن قۇتتىقتاپ، مەملەكەت باسشىسى باستاماشىلىق ەتكەن كونستيتۋتسيالىق رەفورمالاردىڭ ەلدىڭ ساياسي جۇيەسىن جاڭعىرتۋداعى تاريحي ماڭىزىن اتاپ ءوتتى.
–جاڭا كونستيتۋتسيادا ادام قۇقىقتارى مەن بوستاندىقتارىن قورعاۋ، زاڭ ۇستەمدىگىن قامتاماسىز ەتۋ، مەملەكەتتىك ينستيتۋتتاردىڭ تيىمدىلىگىن ارتتىرۋ جانە ادىلەتتى قازاقستان قاعيداتتارىنا نەگىزدەلگەن قوعام قۇرۋ باستى باسىمدىق رەتىندە ايقىندالدى. بۇل وزگەرىستەر مەملەكەت پەن قوعام اراسىنداعى سەنىمدى نىعايتىپ، ازاماتتاردىڭ ەل دامۋىنا بەلسەندى قاتىسۋىنا جاڭا مۇمكىندىك بەرەدى.
بۇگىن وزدەرىڭىزبەن پىكىر الماسۋ ماقساتىندا جۇزدەسىپ وتىرعانىما قۋانىشتىمىن. قوعامدىق كەڭەس – بيلىك پەن قوعام اراسىنداعى التىن كوپىر، ەل مۇددەسى مەن حالىقتىڭ تالاپ-تىلەگىن توعىستىراتىن ماڭىزدى ينستيتۋت. سىزدەردىڭ ومىرلىك تاجىريبەلەرىڭىز، ەلدىك ماسەلەلەرگە قاتىستى وي-پىكىرلەرىڭىز، ۇسىنىستارىڭىز الداعى جۇمىسىمىزعا باعىت-باعدار بولاتىنىنا سەنىمدىمىن.
جاقىندا عانا وبلىستىق قوعامدىق كەڭەستىڭ توراعاسى بولىپ سايلانعان بايقاداموۆ ناۋرىزباي سەيتقاليۇلىن شىن جۇرەكتەن قۇتتىقتايمىن! الداعى ۋاقىتتا كەڭەسپەن بىرگە ءوڭىر حالقىنىڭ يگىلىگىنە باعىتتالعان ورتاق شەشىمدەر قابىلدايمىز دەگەن ويدامىن، – دەدى مۇرات ەرگەشباەۆ.
كەزدەسۋدە وبلىستىق قوعامدىق كەڭەستىڭ مۇشەلەرى، ۇلتتىق عىلىم اكادەمياسىنىڭ اكادەميگى، پروفەسسور قىلىشباي بيسەنوۆ، وبلىستىق ءماسليحات دەپۋتاتتارى جورابەك نۇرىمبەتوۆ، قايرات ەرنازاروۆ، م.مامەتوۆا اتىنداعى قىزىلوردا پەداگوگيكالىق جوعارى كوللەدجىنىڭ ديرەكتورى، وبلىس بويىنشا بالا قۇقىقتارى جونىندەگى ۋاكىل جاقسىگۇل توعانوۆا، جەكە كاسىپكەر پىرمۇحامەد سىزدىق جانە «Qyzylorda» تەلەارناسىنىڭ باس رەداكتورى اينۇر تۇڭعىشباەۆا ءوز پىكىرلەرىن ءبىلدىردى.
قوعامدىق كەڭەستىڭ ماڭىزدى ماسەلەلەرگە وراي سىندارلى ديالوگ الاڭىن قالىپتاستىرۋداعى ماڭىزى زور. كەڭەس مۇشەلەرى تۇرعىنداردىڭ مۇددەلەرىن بىلدىرۋدە، الەۋمەتتىك-ەكونوميكالىق دامۋ، ءبىلىم بەرۋ، دەنساۋلىق ساقتاۋ، مادەنيەت، ەكولوگيا جانە باسقا دا سالالارداعى وزەكتى ماسەلەلەردى تالقىلاۋدا بەلسەندىلىك تانىتىپ كەلەدى.
بۇگىنگى جيىندا دا ەلدى مەكەندەردى گازداندىرۋ، سۋ رەسۋرستارىن ءتيىمدى پايدالانۋ، تاريحي نىسانداردى مەملەكەت مەنشىگىنە قايتارۋ، تۇرعىن ءۇي قۇرىلىسى مەن ينۆەستيتسيالىق جوبالاردى ىسكە اسىرۋعا قاتىستى ۇسىنىستار ايتىلدى.
@قىزىلوردا وبلىسى اكىمىنىڭ ءباسپاسوز قىزمەتى