«سىر انا» مونۋمەنتىنىڭ جانىندا جاستاردىڭ ەڭبەك ماۋسىمىن قورىتىندىلاۋعا ارنالعان «جاسىل ەل» ەڭبەك جاساقتارىنىڭ سالتاناتتى جابىلۋ شاراسى ءوتتى.
ءىس-شاراعا وبلىستىق قوعامدىق دامۋ باسقارماسىنىڭ باسشىسى رۋسلان كايۋپوۆ، جاستار ۇيىمدارىنىڭ وكىلدەرى، ەڭبەك جاساقتارىنىڭ جەتەكشىلەرى مەن بەلسەندى جاستارى قاتىستى.
ماۋسىم بارىسىندا «جاسىل ەل» ەڭبەك جاساقتارىنىڭ قۇرامىنداعى جاستار ەلدى مەكەندەردى اباتتاندىرۋ، كوگالداندىرۋ، سانيتارلىق تازالىق جۇمىستارىن جۇرگىزۋ جانە قوعامدىق ورىنداردى كۇتىپ ۇستاۋ باعىتىندا ەڭبەك ەتتى. جاس بۋىننىڭ بەلسەندىلىگى ءوڭىردىڭ كوركەيۋىنە جانە قورشاعان ورتانىڭ تازالىعىن ساقتاۋعا وزىندىك ۇلەسىن قوستى.
جيىندا ءسوز العان وبلىس اكىمىنىڭ ورىنباسارى جاستاردىڭ قوعامدىق جۇمىستارعا بەلسەندى ارالاسۋىنىڭ ماڭىزدىلىعىنا توقتالدى.
- «جاستار – ەلدىڭ ەرتەڭى عانا ەمەس، بۇگىنگى قوعامنىڭ بەلسەندى كۇشى. ەڭبەكپەن شىڭدالىپ، تۋعان جەردىڭ تازالىعى مەن كوركەيۋىنە ۇلەس قوسۋ – ۇلكەن ازاماتتىق جاۋاپكەرشىلىكتىڭ بەلگىسى. «جاسىل ەل» جوباسى جاستارعا ەڭبەك ەتۋگە، ورتاق ىسكە جۇمىلا كىرىسۋگە جانە ەل يگىلىگىنە ءوز ۇلەسىن قوسۋعا مۇمكىندىك بەرەتىن ماڭىزدى باستاما. سىزدەردىڭ ءاربىر ەڭبەكتەرىڭىز تۋعان جەرگە دەگەن جاناشىرلىقتارىڭىزدىڭ ناقتى كورىنىسى»، – دەدى رۋسلان مۇحامەدالىۇلى.
سونداي-اق، شارا بارىسىندا ەڭبەك ماۋسىمىندا بەلسەندىلىك تانىتىپ، قوعامدىق جۇمىستارعا جاۋاپكەرشىلىكپەن قاتىسقان جاستاردىڭ ەڭبەگى اتاپ ءوتىلدى.
تۋعان جەردىڭ تازالىعى مەن كوركەيۋىنە اتسالىسىپ، ەڭبەك ماۋسىمىندا بەلسەندىلىك كورسەتكەن جاستارعا ايماق باسشىسىنىڭ اتىنان ارنايى «العىس حاتتار» تابىستالدى.
سالتاناتتى شارا جاستارعا العىس ءبىلدىرىپ، ولاردىڭ ەڭبەگىن باعالاۋمەن قاتار، وسكەلەڭ ۇرپاقتى ەڭبەكقورلىققا، ەلجاندىلىققا جانە تۋعان جەرگە جاناشىرلىقپەن قاراۋعا ۇندەيتىن تاعىلىمدى شاراعا ۇلاستى.