مەملەكەت باسشىسىنىڭ باستاماسىمەن جۇزەگە اسىرىلىپ جاتقان "تازا قازاقستان" ەكولوگيالىق جوباسى اياسىندا قىزىلوردا وبلىسىنىڭ قازالى اۋدانىندا ەكولوگيالىق جاعدايدى جاقسارتۋ، حالىققا جايلى ءومىر ءسۇرۋ ورتاسىن قالىپتاستىرۋ جانە زاماناۋي دەمالىس ينفراقۇرىلىمىن دامىتۋ باعىتىندا اۋقىمدى جۇمىستار جۇرگىزىلۋدە.
قازالى مادەني-دەمالىس كەشەنى – جاڭا تىنىس، جاڭا سەرپىن.
جۋىردا اشىلعان قازالى مادەني-دەمالىس كەشەنى اۋدان تۇرعىندارى مەن قوناقتارىنىڭ سۇيىكتى ورنىنا اينالدى. كەشەن ەكى نەگىزگى بولىكتەن تۇرادى: جەڭىس ساياباعى جانە وتباسىلىق دەمالىس ساياباعى. جەڭىس ساياباعى ۇلى جەڭىستىڭ 80 جىلدىق مەرەيتويىنا وراي اشىلسا، وتباسىلىق ساياباقتىڭ اشىلۋى 5 ماۋسىم – دۇنيەجۇزىلىك قورشاعان ورتانى قورعاۋ كۇنىنە تۇسپا-تۇس كەلدى.
كەشەن اۋماعىندا «قۇرمەتتى ازاماتتار» تاقتاسى، «حان تاعى»، روتوندا، پەرگولا، فونتان، شاحمات جانە تەننيس ۇستەلدەرى، جارىقتاندىرۋ جۇيەلەرى، ۆەلوسيپەد جولاقتارى، «داڭق»، «تاعزىم»، «كيەلى قازاق ەلى»، «عاشىقتار» اللەيالارى، سپورتتىق الاڭدار جانە بالالار ويىن الاڭدارى ورناتىلعان.
سونداي-اق، جەكە كاسىپكەرلەردىڭ قولداۋىمەن مەيرامحانالار، تاماقتانۋ ورىندارى، اكۆاپارك، اتتراكتسيوندار، كارتينگ، باتۋت سىندى دەمالىس جانە ويىن-ساۋىق نىساندارى دا بوي كوتەردى.
كەشەن اۋماعىن كوگالداندىرۋ اياسىندا 20 مىڭعا جۋىق اعاش كوشەتتەرى – قاراعاي، اققايىڭ، تۋيا، كاتالپا، ۇيەڭكى جانە جەمىس اعاشتارى وتىرعىزىلدى.
اباتتاندىرۋ – اۋدان كوركىن ارتتىرۋدىڭ باستى باعىتى.
اۋدان ورتالىعىندا حالىققا قولايلى جاعداي جاساۋ ماقساتىندا ورتالىق الاڭ، «رۋحانيات» ورتالىعى الدىنداعى سكۆەر سىندى نىساندار تولىق اباتتاندىرىلدى. جاڭا فونتان، برۋسچاتكالار، بالالار جانە ترەناجەر الاڭدارى ورناتىلىپ، اۋداننىڭ ساۋلەتتىك كەلبەتى جاڭا دەڭگەيگە كوتەرىلدى.
قازالى تەمىرجول ۆوكزالى جاڭارۋدا.
بيىل ءساۋىر ايىندا تاريحي ماڭىزى بار، 120 جىلدىق قازالى تەمىرجول ۆوكزالىنا «قازاقستان تەمىر جولى» ۇك اق قارجىلاندىرۋىمەن كۇردەلى جوندەۋ جۇمىستارى باستالدى. جوبا اياسىندا عيمارات ىرگەتاسى مەن قابىرعالارى نىعايتىلىپ، شاتىر، ەسىك-تەرەزەلەر تولىق جاڭارتىلىپ، جولاۋشىلارعا ارنالعان كۇتۋ زالدارى زاماناۋي ستاندارتتارعا ساي جابدىقتالادى.
مۇمكىندىگى شەكتەۋلى جاندارعا ارنالعان قولجەتىمدىلىك ەلەمەنتتەرى مەن قاۋىپسىزدىك جۇيەلەرى ورناتىلادى. سونىمەن قاتار، ۆوكزال ماڭىن كوگالداندىرۋ جانە برۋسچاتكا توسەۋ جۇمىستارى دا قاراستىرىلعان. قازىرگى تاڭدا جوندەۋ جۇمىستارىنىڭ باسىم بولىگى اياقتالۋعا جاقىن.
بۇدان بولەك، «تازا قازاقستان» رەسپۋبليكالىق ەكولوگيالىق جوباسى اياسىندا ءوڭىردىڭ بارلىق ەلدى مەكەندەرىندە سانيتارلىق تازارتۋ، اباتتاندىرۋ جانە كوركەيتۋ-كوگالداندىرۋ جۇمىستارى جۇرگىزىلۋدە.
بۇگىنگى كۇنگە تازالىق شارالارىنا بارلىعى 190 مىڭنان اسا (191 663) ەرىكتىلەر، قوعام قايراتكەرلەرى، بيۋدجەت سالاسى مەن كاسىپورىن قىزمەتكەرلەرى قاتىستى.
ناتيجەسىمەن 8 مىڭ توننا (8 125) استام قوقىس قالدىقتارى شىعارىلىپ، ەلدى مەكەندەردەگى 471 سكۆەرلەر مەن پاركتەر، 221 تاريحي-مادەني ەسكەرتكىشتەر،
998 الەۋمەتتىك نىساندار (مەكتەپتەر، بالا-باقشالار، سپورت، دەنساۋلىق ساقتاۋ جانە ت.ب.), 2 820 ونەركاسىپ جانە بيزنەس نىساندارى، 35 سۋ وبەكتىلەرى (وزەندەر، كولدەر، جاساندى سۋ ايدىندارى، سۋبۇرقاقتار، ارىقتار جانە ت.ب), مەن 23 124 كوشەلەردىڭ بويى
(4 025 كوپ قاباتتى ۇيلەر مەن 19 099 جەر ۇيلەردىڭ اۋلالارى) تازارتىلدى. وعان 540-تان اسا تەحنيكا (545) جۇمىلدىرىلدى.
جىل باسىنان وبلىس بويىنشا 240 700 دانا ءوڭىردىڭ كليماتىنا سايكەس جەرسىنەتىن قاراعاش، تەرەك جانە سىرتالىنىڭ كوشەتتەرى ەگىلدى.