حالىقارالىق ايەلدەر كۇنى قارساڭىندا «اناعا تاعزىم» ورتالىعىندا قىزىلوردا وبلىسىنىڭ اكىمى نۇرلىبەك نالىباەۆ ايەل-انالارمەن كەزدەستى. «سىيىنار ەم، انا دەگەن تاڭىرگە» تاقىرىبىنداعى باسقوسۋعا ەڭبەك ارداگەرلەرى، ءتۇرلى سالا ماماندارى مەن باق وكىلدەرى قاتىستى.
ايماق باسشىسى جينالعان قاۋىمدى كوكتەمنىڭ شۇعىلالى مەرەكەسىمەن قۇتتىقتاپ، قىز-كەلىنشەكتەردىڭ ەلىمىزدىڭ، سىر ءوڭىرىنىڭ دامۋىنا قوسقان سۇبەلى ۇلەسىن اتاپ ءوتتى.
«مەملەكەت باسشىمىز قاسىم-جومارت كەمەلۇلى «انانىڭ ايالى الاقانى مەن شەكسىز مەيىرىمى ءار ۇيگە جىلىلىق بەرەدى. سالت-ءداستۇرىمىز بەن انا ءتىلىمىزدىڭ بۇگىنگى كۇنگە جەتۋى دە، ەڭ الدىمەن، انالاردىڭ ارقاسى. ءومىردىڭ ءمانى دە، تىرشىلىكتىڭ ءسانى دە – سىزدەر!» – دەگەن بولاتىن.
وتكەن تاريحىمىزعا قاراساق، ەل باسىنا كۇن تۋعاندا اسىل انالارىمىز بەن اياۋلى ارۋلارىمىز قيىندىققا مويىماي، ۇلت تاعدىرىنا ارالاستى. بالا تاربيەسىن ۇلت تاربيەسى دەپ قاراعان دانا حالقىمىز بولاشاق ۇرپاقتى دۇنيەگە اكەلىپ، باعىپ-قاعىپ، قياعا قانات قاقتىراتىن انالاردى ارداقتاي دا، ايالاي دا بىلگەن.
بۇگىندە وتباسى ينستيتۋتىن، كوپبالالى انالاردى، كاسىپكەر ايەلدەردى قولداۋ، گەندەرلىك تەڭدىكتى قامتاماسىز ەتۋ مەملەكەتتىك ساياساتتىڭ اسا ماڭىزدى باسىمدىعىنا اينالدى. ايماعىمىزدا انالاردى الەۋمەتتىك قولداۋ باعىتىنداعى جۇمىستار ناتيجەلى ىسكە اسىرىلۋدا.
سىزدەر تاۋەلسىز ەلىمىزدىڭ دامۋىنا زور ۇلەس قوسىپ، ارقاشان پاراساتتىڭ، مەيىرىم پەن ىزگىلىكتىڭ ۇيىتقىسى بولىپ كەلەسىزدەر. كوكتەم مەرەكەسى كوڭىلدەرىڭىزگە شاتتىق سىيلاسىن!» – دەدى ن.نالىباەۆ.
باسقوسۋدا وبلىستىق ايەلدەر كەڭەسىنىڭ ءتورايىمى رايكۇل باينازاروۆا ايماقتا «كەلەشەك مەكتەپتەرىنىڭ»، باسقا دا ءبىلىم وردالارىنىڭ سالىنۋى، قوسىمشا ءبىلىم بەرەتىن مەكەمەلەردىڭ اشىلۋى انا مەن بالاعا جاسالعان قامقورلىقتىڭ ناعىز ۇلگىسى ەكەنىن اتاپ ءوتتى. قارماقشى اۋداندىق ايەلدەر كەڭەسىنىڭ ءتورايىمى گۇلجاۋحار راەۆا «رۋحانيات ورتالىقتارىنىڭ» ۇلتتىق قۇندىلىقتاردى ساقتاپ، ۇرپاق ساباقتاستىعىن جالعاستىرۋداعى قىزمەتىنە توقتالدى. ال جاڭاقورعان اۋدانى «قىركەڭسە» دارىگەرلىك امبۋلاتورياسىنىڭ اعا دارىگەرى جازيرا مالىكوۆا ءوزى قىزمەت ەتەتىن سالاداعى، اسىرەسە اۋىلداعى مەديتسينالىق مەكەمەلەردىڭ جابدىقتالۋىنداعى جەتىستىكتەردى ايتتى.
جيىنعا قاتىسۋشىلار وبلىس اكىمىنىڭ العىس حاتىمەن ماراپاتتالدى.
بۇگىندە ءوڭىر حالقىنىڭ سانى 845 135 بولسا، ونىڭ 419 819-ى، ياعني 49,6%-ى – ايەلدەر، 185 مىڭ قىز-كەلىنشەك قالالىق جەردە، 230 مىڭنان استامى اۋىلدا تۇرادى.
مەملەكەتتىڭ جۇيەلى قولداۋىنىڭ ارقاسىندا قىز-كەلىنشەكتەردىڭ ەكونوميكاداعى، ساياسات پەن قوعامدىق قىزمەتتەگى ءرولى جىل وتكەن سايىن ارتىپ كەلەدى.
قىزىلوردا وبلىسى اكىمىنىڭ ءباسپاسوز قىزمەتى