الماتى قالاسىنىڭ جول قوزعالىسى جانە جولاۋشىلار كولىگىن ۇيىمداستىرۋ باسقارماسىنىڭ وكىلدەرى 23 تامىزدا، قۇرىلتاي سايلاۋى وتەتىن كۇنى، قالانىڭ قوعامدىق كولىكتەرىندە جول ءجۇرۋ تەگىن بولاتىنىن مالىمدەدى.
باسقارما وكىلدەرىنىڭ مالىمەتىنشە، سايلاۋ كۇنى قالا تۇرعىندارى مەن قوناقتارىنىڭ ءجۇرىپ-تۇرۋىنا قولايلى جاعداي جاساۋ ماقساتىندا تەگىن جول ءجۇرۋ مۇمكىندىگى ەنگىزىلەدى. كۇنى بويى قوعامدىق كولىكتىڭ بارلىق باعىتىندا – اۆتوبۋستاردا، تروللەيبۋستاردا جانە مەترودا جول ءجۇرۋ تەگىن بولادى.
باسقارما وكىلدەرى قالا تۇرعىندارى مەن قوناقتارىن ساپارىن الدىن الا جوسپارلاپ، داۋىس بەرۋ كۇنى قالا ىشىندە قولايلى قاتىناۋ ءۇشىن قوعامدىق كولىكتى پايدالانۋعا شاقىرادى.