وسى ءسوز تىركەسىنىڭ ماعىناسىنا تەرەڭ ۇڭىلسەك، ءتۇبى – رۋحاني سوقىرلىق دەگەنگە الىپ كەلەتىن سياقتى. راسىمەن، كەيدە رۋحاني سوقىر كۇيدە جۇرەمىز. جان-جاعىمىزدى تەرەڭ تانۋدىڭ ورنىنا تىرناق استىنان كىر ىزدەپ، پەندەلىك كۇيدەن شىعا الماي جاتامىز.
كەزىندە ماڭعىستاۋ وبلىسىن باسقارعان بەلگىلى مەملەكەت جانە قوعام قايراتكەرى ە.ل.توعجانوۆ تۋرالى تەرىس پىكىردەگى جازبالاردى كورىپ قالىپ، ءبىز ءالى حاكىم اباي سيپاتتاعان دەڭگەيدەن اسپاعان ەكەنبىز دەگەن ويعا كەلدىم. سوندا نە دەيدى دەيسىز عوي. اكىم مىرزا كەزىندە بەرگەن ۋادەسىن ورىنداماعان-مىس دەگەنگە سايادى. جۇمىس ورىندارىن اشۋ، الەۋمەتتىك سەكتوردى جانداندىرۋ بويىنشا بۇرىن وتكەن جيىننىڭ بەينەكادرلارىن قيىپ سالىپتى...
ءوز باسىم ماڭعىستاۋ جاققا ءجيى بارىپ تۇرامىن. دوستارىم بار. ارىپتەستەرىم جەتەدى. اعايىن-تۋما بار دەگەندەي. سولاردىڭ بارلىعى توعجانوۆتاي اكىمدى بۇرىن-سوڭدى كورمەدىك دەگەندى ايتادى. وبلىستى باسقارعان تۇستا، كابينەتتە وتىرمايتىن، ۇنەمى ءىس باسىندا جۇرەتىن. شارۋ شەشەتىن. ەڭ كۇردەلى دەگەن كۇرمەۋلى سۇراقتىڭ ءوزىنىڭ ءيىنىن قاندىرىپ، وڭتايلى شەشەتىن. شالعاي اۋىلدارعا شىققاندا، ارنايى مارشرۋتتى بۇزىپ، كەستەدە بەكىتىلمەگەن سۇراقتاردى دا قامتىپ وتەتىنىن تالاي مارتە كورگەنبىز. اۋىل-اۋىلدى ارالاپ، قاراپايىم ەل ازاماتتارىمەن امانداسىپ، تىرشىلىكتەرىمەن تانىسقاندا... «بۇل قالاي ءوزى؟ وبلىس باسشىسى تۇگىلى، اۋدان اكىمى بىزگە كەلىپ كورمەگەن» دەپ تاڭدانىستارىن جاسىرمايتىن دەگەندى تالاي ەستىگەنبىز ارىپتەستەردەن.
حاكىم اباي، دانا ءابىش، كينو ونەرىنىڭ شوقجۇلدىزى اتانعان ءجانتوريننىڭ ەسكەرتكىشتەرىن قايتا ورناتىپ، جاڭالاعان وسى توعجانوۆ ەمەس پە؟ اۋليە بابامىز – بەكەت اتاعا باراتىن جولدى جاڭالاپ، جاڭاوزەننىڭ اۆتوبانىن سالىپ بەرگەن دە وسى توعجانوۆ ەمەس پە؟ 5 مەملەكەت باسشىسىن جيناپ، ساياسي جيىندى بيىك ابىرويمەن وتكىزدى. يگىلىگىن ەل كورمەيدى مە؟ سول جىلدارى قانشا كوشە جاڭالانىپ، اسفالت توسەلدى. قوسىمشا جۇمىس ورىندارى اشىلدى. قوقىس ورنىنا اينالعان كاسپي جاعالاۋى تولىقتاي جاڭالاندى. ماڭعىستاۋ عانا ەمەس، ەلدىڭ باس قاتىرۋ ماسەلەسىنە اينالعان – گاز سۇراقتارى دا سول كەزدەرى تۇراقتالدى. 55 تەڭگەدەن اسپادى. وزدەرىڭىز بىلەسىزدەر، كەيىن، باعا اسپانداپ 100 تەڭگەگە دەيىن قىمباتتاعانىن ۇمىپتاعان شىعارسىزدار... وسىنداي جۇمىستار وزدىگىنەن جاسالمايدى. ءتۇرلى مۇددەلىلەر قاقتىعىسى بار. تالاي ويىندار مەن قىسىمداردىڭ بولعانى انىق. ويىن دەمەكشى، الگىندەي بەينەكادرلاردى تاراتىپ، ەل اراسىنا «اقپارات» تاراتىپ جۇرگەندەردىڭ ءوزى بەلگىلى ءبىر مۇددەلى توپتىڭ ويىنشىسى بولىپ كەتۋى عاجاپ ەمەس. بىرەۋلەرگە ويىن كەرەك. حالىققا تۇرمىس كەرەك.
قازاقتىڭ بەلگىلى اقىنى وڭايگۇل تۇرجاننىڭ ءبىر ساحنادا تۇرىپ، بۇعان دەيىنگى باسشىلار ماڭعىستاۋدىڭ مۇنايىن قازسا، توعجانوۆ ماڭعىستاۋدىڭ 1000 جىلدىق تاريحى مەن رۋحانياتىن جاڭعىرتتى دەگەنىن دە ەل اۋزىنان ەستىگەنبىز.
تۇيىندەي ايتقاندا، مەن بىلەتىن ە.توعجانوۆ ناعىز كريزيس كەزىندە ءوز مىندەتىن مۇلتىكسىز اتقارعان ادال ازامات. ەلشىل، مەملەكەتشىل تۇلعا
اۆتوردىڭ الەۋمەتتىك جەلىدەگى جازباسىنان
فوتو اشىق دەرەككوزدەردەن الىندى