وقيعا اقتاۋ قالاسىنىڭ اۋەجايىندا تىركەلدى. اۋە كومپانياسى وكىلىنىڭ اكتىسى نەگىزىندە كولىكتەگى پوليتسيا ءبولىمىنىڭ قىزمەتكەرلەرى اقتاۋ – الماتى باعىتىنداعى رەيستەن الماتى قالاسىنىڭ 36 جاستاعى تۇرعىنىن ءتۇسىردى. تەكسەرۋ بارىسىندا اتالعان ازاماتشانىڭ رەيسكە تىركەلۋ كەزىندە-اق الكوگولدىك ماساڭ كۇيدە بولعانى جانە اينالاسىنداعىلارعا قاتىستى بالاعات سوزدەر ايتقانى انىقتالدى. وسى ارەكەتتەرى ارقىلى ول قوعامدىق ءتارتىپتى بۇزعان. كولىك پوليتسەيلەرى قۇقىق بۇزۋشىنى پوليتسيا بولمەسىنە جەتكىزىپ، قوعامدىق ورىندا ماساڭ كۇيدە بولعانى جانە ۇساق بۇزاقىلىق جاساعانى ءۇشىن اكىمشىلىك جاۋاپكەرشىلىككە تارتتى. ناتيجەسىندە وعان 25 ايلىق ەسەپتىك كورسەتكىش مولشەرىندە ايىپپۇل سالىندى. ايتا كەتەيىك، جىل باسىنان بەرى كولىكتەگى پوليتسيا دەپارتامەنتىنىڭ قىزمەتكەرلەرى اۋە كەمەلەرىندە جاسالعان 48 قۇقىق بۇزۋشىلىقتى انىقتادى. ونىڭ ىشىندە الكوگولدىك ىشىمدىك ءىشۋ جانە قوعامدىق ورىندارعا ماس كۇيدە كەلۋگە قاتىستى 31 دەرەك، ۇساق بۇزاقىلىقتىڭ 8 فاكتىسى، اۋە كەمەسىندە تەمەكى شەگۋدىڭ 4 دەرەگى جانە وزگە دە قۇقىق بۇزۋشىلىقتار تىركەلگەن.
اقپارات كوزى Polisia.kz سايتىندا: https://polisia.kz/qoghamdyq-tartipti-buzghan-mas-kujdegi-zholaushy-aue-rejsinen-tusirildi/