مەيىرجان باۋىرۇلى ەشقانداي ءدىني قىزمەت اتقارماعان جانە مەشىتتە نايب يمام بولىپ جۇمىس ىستەمەيدى. الماتى وبلىسىنىڭ ىلە اۋدانىنداعى «سابدەنۇلى وتەگەن باتىر» مەشىتىنىڭ نايب يمامى تاماشبەكوۆ مارسەلگە «Jazەra travel» كومپانياسىنىڭ باسشىسى مەيىرجان باۋىرۇلى ۇمرا ساپارىنا نيەت ەتكەن جاندارعا ءدارىس ءوتىپ بەرۋ جونىندە ءوتىنىش جاساعان. نايب يمام ءدىني قۇلشىلىقتى ءتۇسىندىرۋ ماقساتىندا وتىنىشتەرىن قابىل الىپ، ەكى رەت ساباق وتكىزگەن. ءدارىس سوڭى سۇراق-جاۋاپ نەگىزىندە جالعاسىپ، نايب يمام «Jazەra travel» كومپانياسىنىڭ قىزمەتى جايلى بىلگەن اقپاراتتارىمەن دە بولىسكەن.
«Jazەra travel» كومپانياسىنا قاتىستى داۋلى ماسەلە قۇقىق قورعاۋ ورگاندارى تاراپىنان تەكسەرىلۋدە. نايب يمامنىڭ اتالمىش ماسەلەگە قاتىسى بار-جوعى انىقتالۋ ۇستىندە. وسى رەتتە بۇقارالىق اقپارات قۇرالدارى وكىلدەرىن تەكسەرىلمەگەن مالىمەتتەردى تاراتپاۋىن سۇرايمىز.
ايتا كەتەيىك، سوڭعى كەزدە قوعامدا ۇمرا ساپارىن ۇيىمداستىرۋشى كەيبىر تۋرفيرمالاردىڭ كۇماندى ءىس-ارەكەتتەرىنە قاتىستى شاعىمدار كوبەيۋدە. وسى ورايدا ۇمراعا باراتىن ازاماتتارعا قىزمەت كورسەتۋ، ولاردىڭ قاۋىپسىزدىگىن قامتاماسىز ەتۋ اتالمىش تۋرفيرمالار جاۋاپكەرشىلىگىندە ەكەنىن ەسكە سالامىز. قر سىرتقى ءتۋريزمدى رەتتەيتىن ءتيىستى زاڭناماسىنا ساي ۇمرا ساپارىن توپپەن ۇيىمداستىرۋ ءۇشىن مىندەتتى تۇردە مەملەكەتتىك ليتسەنزياسى بولۋى ءتيىس جانە ءار ۇمرا جاساۋشىعا تۋروپەراتور تاراپىنان تۋركود بەرىلۋى قاجەت.
مۇنداي تالاپتار ورىندالماعان جاعدايدا ۇمرانى توپپەن ۇيىمداستىرۋ قر زاڭدارىنا قايشى. وسى رەتتە ۇمراعا اپارۋشى تۋرفيرمالاردىڭ قىزمەتىن قاداعالاۋعا ءدىني باسقارمانىڭ زاڭدى قۇزىرەتى جوق ەكەندىگىن جەتكىزەمىز. سونىمەن قاتار وتانداستارىمىزدى رەسمي تۋروپەراتورلىق ليتسەنزياسى جوق تۋركومپانيالارمەن ۇمرا ساپارىنا بارماۋعا شاقىرامىز.
قمدب قاجىلىق ءبولىمى