قما اقتوبە وبلىسى بويىنشا دەپارتامەنتى ينتەرنەت-الاياقتىققا جاردەمدەسۋ، زاڭسىز كاسىپكەرلىك، دروپپەرلىك قىزمەتتى ۇيىمداستىرۋ جانە قىلمىستىق جولمەن الىنعان كىرىستەردى زاڭداستىرۋ فاكتىلەرى بويىنشا سوتقا دەيىنگى تەرگەپ-تەكسەرۋ جۇرگىزۋدە.
تەرگەۋ مالىمەتتەرىنە سايكەس، اقتوبە قالاسىنىڭ اۋماعىندا تەلەفون جانە ينتەرنەت-الاياقتىق سالدارىنان ازاماتتاردان جىمقىرىلعان اقشالاي قاراجاتتى قابىلداۋ، كونۆەرتاتسيالاۋ جانە زاڭداستىرۋدىڭ تۇراقتى سحەماسىن قۇرعان قىلمىستىق توپ ارەكەت ەتكەن.
توپ قۇرامىندا وننان استام ادام بولعان. قىلمىستىق سحەمانى جۇزەگە اسىرۋ ءۇشىن ۇيىمداستىرۋشىلار 150-دەن استام دروپپەردى تارتقان.
قىلمىستىق توپ مۇشەلەرى بانك قوسىمشالارى مەن كريپتوامياندار الدىن الا ورناتىلعان ۇيالى تەلەفونداردى پايدالانعان. بۇل ولارعا دروپپەرلەردىڭ شوتتارىن قاشىقتان باسقارۋعا جانە قارجىلىق وپەراتسيالاردى ولاردىڭ قاتىسۋىنسىز جۇرگىزۋگە مۇمكىندىك بەرگەن.
بلوكچەين-تالداۋ قۇرالدارىنىڭ كومەگىمەن جىمقىرىلعان قاراجاتتى زاڭداستىرۋدىڭ تولىق سحەماسى قالپىنا كەلتىرىلدى. الدىمەن جابىرلەنۋشىلەردىڭ اقشالاي قاراجاتى ترانزيتتىك بانكتىك شوتتار ارقىلى وتكىزىلىپ، كەيىن باقىلاۋداعى دروپپەرلەردىڭ شوتتارىنا اۋدارىلعان. ودان كەيىن قاراجات كريپتوۆاليۋتا پلاتفورماسىنا جىبەرىلىپ، وندا USDT تسيفرلىق اكتيۆتەرىن ساتىپ الۋعا پايدالانىلعان. وپەراتسيالارعا زاڭدى سيپات بەرۋ ماقساتىندا جالعان قارىز شارتتارى مەن جالعان كومپانيالار قولدانىلعان. قىلمىستىق سحەمانىڭ سوڭعى كەزەڭىندە زاڭسىز كىرىستەر قولما-قول اقشاعا اينالدىرىلىپ، شەتەل ۆاليۋتاسىنا ايىرباستالعان.
️قازىرگى ۋاقىتتا ەلىمىزدىڭ 16 وڭىرىنەن 80 جابىرلەنۋشى انىقتالدى. كەلتىرىلگەن زالالدىڭ جالپى سوماسى 120 ملن تەڭگەدەن استى.
قىلمىستىق توپتىڭ 8 مۇشەسى قاماۋعا الىندى. تاعى ەكى كۇدىكتىگە قاتىستى ۇيقاماق تۇرىندەگى بۇلتارتپاۋ شاراسى قولدانىلدى.
سوت سانكتسياسىمەن كۇدىكتىلەردىڭ مۇلكىنە، ونىڭ ىشىندە 8 پاتەرگە، ءبىر اۆتوكولىككە جانە 52 مىڭ USDT كولەمىندەگى تسيفرلىق اكتيۆتەرگە تىيىم سالىندى.
تەرگەپ-تەكسەرۋ جالعاسۋدا.
قازاقستان رەسپۋبليكاسى قىلمىستىق-پروتسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى.