جوبا 9 دەڭگەيدەن قۇرالىپ، ورتاشا سالىم سوماسى 225 مىڭ تەڭگەنى قۇرادى، تولەمدەر تەك USDT كريپتوۆاليۋتاسىندا قابىلداندى.
مىسالى، «Warner Bros» جوباسى بويىنشا سالىمشىلار ارنايى قوسىمشاعا تىركەلىپ، كريپتوۆاليۋتا ارقىلى قولجەتىمدىلىكتى ساتىپ الىپ، ترەيلەرلەردى كورۋ ءۇشىن جانە جاڭا سالىمشىلاردى شاقىرۋ ءۇشىن «ەسەپتەلەتىن» سىياقىلار العان.
تەرگەۋ بارىسىندا سالىمشىلاردان قاراجات جيناۋ جانە ترانزيت جاساۋ ءۇشىن قولدانىلعان كريپتوۆاليۋتالىق ءامياندار انىقتالدى.
سوتتىڭ سانكتسياسىمەن 3,8 ملن USDT كولەمىندە كريپتواكتيۆتەرگە تىيىم سالىندى.
قۇقىقتىق ءىس جۇرگىزۋ كودەكسىنىڭ 201-بابىنا سايكەس باسقا اقپارات جاريا ەتۋگە جاتپايدى.
ايتا كەتەيىك، اگەنتتىكتە قارجى پيراميدالارىنىڭ بەلگىلەرىن تەكسەرۋگە مۇمكىندىك بەرەتىن «Baiqa, piramida!» Telegram-بوتى ىسكە قوسۋلى.
ەگەر ءسىز نەمەسە جاقىندارىڭىز قارجى پيراميداسىنىڭ ارەكەتىنە تاپ بولسا، تۇرعىلىقتى جەرىڭىز بويىنشا ەكونوميكالىق تەرگەپ-تەكسەرۋ دەپارتامەنتىنە جۇگىنۋدى سۇرايمىز.
ازاماتتاردى ساق بولۋعا جانە كۇماندى قارجىلىق ۇيىمدارعا جيناقتارىن سالماۋعا شاقىرامىز.