قارجىلىق مونيتورينگ اگەنتتىگىنىڭ الماتى قالاسى بويىنشا دەپارتامەنتى پروكۋراتۋرانىڭ ۇيلەستىرۋىمەن Alemcredit.com ينتەرنەت-رەسۋرسى ارقىلى ازاماتتارعا كريپتوۆاليۋتا تۇرىندە ميكروكرەديت بەرەمىز دەگەن جەلەۋمەن جاسالعان الاياقتىق دەرەگى بويىنشا تەرگەۋ جۇرگىزىپ جاتىر.
تەرگەۋ دەرەكتەرىنە سايكەس، ىقتيمال قارىز الۋشىلار الەۋمەتتىك جەلىلەر ارقىلى بەلسەندى تارتىلعان. وندا ءتيىمدى شارتتارمەن قارىز بەرىلەتىنى تۋرالى جارناما كەڭىنەن تاراتىلعان. قارىز راسىمدەۋ ءۇشىن ازاماتتاردان جەكە باسىن سايكەستەندىرۋ راسىمىنەن ءوتۋ، دەربەس دەرەكتەرىن ۇسىنۋ جانە ەلەكتروندىق قۇجاتتارعا قول قويۋ تالاپ ەتىلگەن.
الايدا اتالعان راسىمدەر اياقتالعاننان كەيىن مامىلەنىڭ ناقتى شارتتارى باستاپقىدا كورسەتىلگەن تالاپتاردان ەداۋىر وزگەشە بولعان. قارىز الۋشىلارعا ۋادە ەتىلگەن سومادان الدەقايدا از قاراجات اۋدارىلىپ، ونىڭ ءبىر بولىگى الدىن الا ەسكەرتىلمەگەن كوميسسيالار مەن وزگە دە تولەمدەر رەتىندە ۇستالعان.
سونداي-اق مامىلە جاسالعانعا دەيىن قارىزدىڭ تولىق قۇنى، ارتىق تولەم مولشەرى، سىياقى مەن ايىپپۇلدار تۋرالى اقپارات تولىق كولەمدە بەرىلمەگەن.
قاراجات ءۇشىنشى تۇلعالاردىڭ، ياعني دروپپەرلەردىڭ بانك كارتالارى ارقىلى قايتارىلعان.
ينتەرنەت-رەسۋرستىڭ جۇمىسىن قامتاماسىز ەتۋ جانە قارىز الۋشىلارمەن بايلانىس ورناتۋ ءۇشىن زاڭدى تۇلعالاردى، تەلەكوممۋنيكاتسيالىق رەسۋرستار مەن تەحنيكالىق قۇرالداردى قامتيتىن تارماقتالعان ينفراقۇرىلىم پايدالانىلعان.
ءتىنتۋ بارىسىندا جاپپاي SMS-حابارلاما تاراتۋعا قولدانىلعان SIM-بوكستار مەن كوپ مولشەردە SIM-كارتا تاركىلەندى.
تەرگەۋ جالعاسىپ جاتىر.
قر قىلمىستىق-پروتسەستىك كودەكسىنىڭ 201-بابىنا سايكەس وزگە اقپارات جاريا ەتىلمەيدى.
قر قما ءباسپاسوز قىزمەتى