قازاقستان رەسپۋبليكاسى قارجىلىق مونيتورينگ اگەنتتىگى «قازتەمىرترانس» اق-نىڭ بۇرىنعى ۆيتسە-پرەزيدەنتى ا.ا.كاپەنوۆكە قاتىستى قىزمەتتىك وكىلەتتىكتەرىن اسىرا پايدالانۋ جانە اقشا قاراجاتىن جىمقىرۋ فاكتىلەرى بويىنشا سوتقا دەيىنگى تەرگەپ-تەكسەرۋ جۇرگىزۋدە.
تەرگەۋ امالدارىنا ساي، ا.ا. كاپەنوۆ قىزمەتتىك جاعدايىن پايدالانا وتىرىپ، جۇك ۆاگوندارىن باسقارۋ قىزمەتتەرىن كورسەتۋ كەزىندە بايلانىسى بار كومپانيالارعا زاڭسىز ارتىقشىلىقتار جاساعان.
سالدارىنان «قازتەمىرترانس» اق-عا 5,2 ملرد تەڭگەدەن استام مولشەردە زالال كەلتىرىلگەن.
قازىرگى ۋاقىتتا ا.ا. كاپەنوۆ حالىقارالىق ىزدەۋگە جاريالانعان. سوتپەن وعان قاتىستى «قاماۋدا ۇستاۋ» تۇرىندەگى بۇلتارتپاۋ شاراسى سانكتسيالانعان.
كەلتىرىلگەن زالالدى وتەۋ جانە زاڭسىز الىنعان اكتيۆتەردى قايتارۋ ماقساتىندا باس كولىك پروكۋراتۋراسى «دوستىق» ستانتسياسىنداعى تەرمينالدى سوتقا دەيىن تاركىلەۋ تۋرالى ءوتىنىش جالداعان.
استانا قالاسىنىڭ قىلمىستىق ىستەر جونىندەگى اۋدانارالىق سوتىنىڭ قاۋلىسىمەن اتالعان مۇلىك مەملەكەت كىرىسىنە وتكىزىلدى.
تەرگەۋ جالعاسۋدا.
قازاقستان رەسپۋبليكاسىنىڭ قىلمىستىق-پروتسەستىك كودەكسىنىڭ 201-بابىنا سايكەس وزگە مالىمەتتەر جاريالاۋعا جاتپايدى.
ايتا كەتۋ كەرەك، مۇلىكتى تاركىلەۋ قازاقستان رەسپۋبليكاسىنىڭ كولىك-لوگيستيكالىق الەۋەتىن دامىتۋ تۇجىرىمداماسىن ىسكە اسىرۋعا ىقپال ەتەدى.