2024 جىلعى مالىمەتتەرگە سۇيەنسەك، ەلىمىزگە كەلگەن ەڭ بەلسەندى ساياحاتشىلاردىڭ جاسى – 35-39 ارالىعىندا. ەكىنشى ورىندا 30-34 جاس ارالىعىنداعى كەلۋشىلەر، ال ءۇشىنشى ورىندى 40-44 جاستاعى شەتەلدىك تۋريستەر يەلەندى. تالداۋ «eQonaq» اقپاراتتىق جۇيەسىندە تىركەلگەن ورنالاستىرۋ ورىندارىنىڭ دەرەكتەرىن قامتىدى.
وتكەن جىلى شەتەلدىك قوناقتاردىڭ نەگىزگى بولىگىن 30-44 جاس ارالىعىنداعى تۋريستەر قۇرادى - 653 مىڭنان استام ادام. 25-29 جاس ارالىعىنداعى جاس ساياحاتشىلار كەلەسى پوزيتسيانى يەلەندى (شامامەن 174 مىڭ ادام), ال 45-49 جاس ارالىعىنداعى شەتەلدىك كەلۋشىلەر 156 مىڭنان اسادى.
ورنالاستىرۋ ورىندارىنا توقتاعان شەتەلدىك تۋريستەردىڭ باسىم بولىگىن ەر ادامدار قۇرادى - 70,5%.
قازاقستانعا ىسكەرلىك ماقساتتا 150 مىڭعا جۋىق شەتەلدىك قوناق كەلگەن.
t.me/qaztourism كومپانياسىنان